HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3107 Bu dersler tahlîsiye diplomasını hâiz gönüllüler tarafından 11 kampda verilmişdir. 1925 senesi Haziran'ından 1926 senesi Haziran'ına kadar Amerika Salîb-i Ahmer Tahlîsiye Heyʼeti'ne kaydolunanların adedi 29.266'ya ve el-yevm tahlîsiye mensûbîninin yekûnu da 102.075'e bâliğ olmuşdur. _______________ Muʻâvenet Amerika Salîb-i Ahmeri, Sırbistan seylâbzedegânı için Sırbistan Salîb-i Ahmeri'ne 5.000 dolar teberruʻ etmişdir. _______________ [111] Hatt-ı İstivâ Hatt-ı İstivâ Salîb-i Ahmeri, Bulgar muhâcirleri için 2.000 frank teberruʻ etmişdir. _______________ Arnavud Salîb-i Ahmeri Arnavud Salîb-i Ahmeri yeniden 14 şuʻbe açmışdır. Ahîren Avlonya şuʻbesinde malaryalılarla emrâz-ı zühreviye maʻlûlînine mahsûs olmak üzere bir dispanser küşâd edilmişdir. _______________ Danzig Salîb-i Ahmeri Danzig Serbest Şehri Salîb-i Ahmeri 19 Haziran 1922 târîhinde teşekkül etmiş ve aynı târîhde hükûmet tarafından tasdîk edilmişdir. Danzig Salîb-i Ahmeri sene-i mezkûrede Beynelmilel Cenevre Merkez Komitesi'ne mürâcaʻat ederek Salîb-i Ahmer âilesine dâhil olmuşdur. Mevcûd altı şuʻbesinin teşkîlâtını ikmâl etdikden sonra Danzig Salîb-i Ahmeri her şuʻbe dâhi- linde bir sıhhiye koloni teʼsîsi, muʻâvenet ve ilk imdâd, tebhîrât ve tathîrât ve hıfzıssıhha prensiplerini neşir ve taʻmîme mahsûs merkezler teşkîl eylemişdir. Bu altı şuʻbeden bazıları Gençlik Salîb-i Ahmeri gruplarına mâlik bulunuyor. Şuʻbelerin kadın- lar kısmı bilhâssa himâye-i etfâl işleriyle meşgûldür. Danimarka Salîb-i Ahmeri 40 çocuğu kabûl edebilecek bir taʻtîl kolonisi teşkîl etmişdir. _______________ Belçika Belçika'da vukûʻ bulan son feyezânlar münâsebetiyle Amerika Salîb-i Ahmeri'nin îfâ etdiği muʻâvenete bir nişâne-i şükrân olmak üzere Belçika Salîb-i Ahmeri tarafından verilen gümüş madal- ya Washington Salîb-i Ahmer Müzesi'ne gönderilmişdir. ***