HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3108 Belçika'da vukûʻa gelen şimendifer kazâlarında şimendifer idâresiyle Salîb-i Ahmer'in mesâʻî-i müşterekesine âid Salîb-i Ahmer Mecmûʻası 'nda tesâdüf etdiğimiz maʻlûmâtı aşağıya derc ediyoruz. Henüz birkaç aydan beri başlamış olan bu mesâʻî-i müştereke garlarda dispanserler ve levâ- zım-ı imdâdiye depoları teʼsîsi sûretiyle ikmâl edilmiş olacakdır. Birçok vekâyiʻe müdâhale etmiş olan iki dispanser şimdiki hâlde hâl-i faʻâliyetdedir. Bir kazâ vukûʻunda Şimendifer İdâresi Umûr-ı Sıhhiye Şuʻbesi, Salîb-i Ahmer Merkez-i Umûmîsi ile temâs ederek yapılacak muʻâveneti tesbît ve meʼmûrlarına verecekleri taʻlîmâtı yekdi- ğerine teblîğ ederler. Her istasyonda, her şimendifer taʻmîrhânesi veya fabrikasında Salîb-i Ahmer Merkezi sertabîbi ile etıbbâsının ve hastabakıcılarının esâmî, adres ve telefon numaraları yazılı bir levha taʻlîk edilmiş- dir. Bir kazâ vukûʻunda istasyon müdürü hemen Salîb-i Ahmer Merkezi'ni haberdâr eder. Eğer kazâ pek mühim ise telefon veya telgraf ile Salîb-i Ahmer Merkez-i Umûmîsi'ne mürâ- caʻat edilir. Masârıf, Şimendifer İdâresi'ne âid olup Salîb-i Ahmer işbu teşkîlât-ı imdâdiyesi için idâ- re-i mezkûreden hiçbir tahsîsât almaz. _______________ [112] Lehistan Lehistan Salîb-i Ahmeri'nin 11 Eylül 1926 târîhli merkez-i umûmî ictimâʻında Matmazel Anna Paçkoska kâtib-i umûmîliğe intihâb olunmuşdur. _______________ Romanya Bu sene teessüsünün ellinci devr-i senevîsini tesʻîd maksadıyla Romanya Salîb-i Ahmeri an 3 ilâ 10 Teşrîn-i Evvel'e kadar devâm etmek üzere bir propaganda haftası tertîb etmişdir. Propaganda haftasının tertîbinden istihdâf edilen gâye Salîb-i Ahmer müessesât ve icrââtını halka tanıtdırmak, cemʻiyete yeniden aʻzâ kaydetmek ve Salîb-i Ahmer'in muhtelif faʻâliyetinin inkişâf ve tekâmülüne muktezî mebâliği toplamakdır. Propaganda haftası programında münderic başlıca mevâd şunlardır: Salîb-i Ahmer menfaʻatine kiliselerde mevʻize îrâd etmek ve yine Salîb-i Ahmer menfaʻatine ictimâʻlar, konferanslar, temsîller, konserler tertîb ve Salîb-i Ahmer'in târîhiyle Romanya ve bütün cihân Salîb-i Ahmer teşkîlâtından bâhis risâleler tevzîʻ etmek. *** Hıfzıssıhha sâhasında Romanya Salîb-i Ahmeri sıtmaya ve emrâz-ı zühreviyeye karşı şiddetli bir mücâdele açmışdır. ***