HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3134 Madalya ilk defa 1920 senesinde tevzîʻ edilmiş ve bu defa da 1927 senesi Mayıs'ının on ikisinde tevzîʻ edilecekdir. Madalya şahsa mahsûs olduğundan üzerinde sâhibinin ismi mahkûk olduğu gibi ayrıca bir berâtı da vardır. Nightingale Madalyası'nın tevcîh ve iʻtâsında aranılan evsâf ve şerâit hakkında Beynelmilel On İkinci Salîb-i Ahmer Kongresi âtîdeki mukarrerâtı ittihâz etmişdir: 1-Nâmzed evvel emirde tercîhen şehâdetnâmeli bir Salîb-i Ahmer hastabakıcısı olacakdır. [131] 2-Bu hastabakıcı meydân-ı harbde veya âfât ve mesâib-i umûmiyede hizmet etmiş olacakdır. 3-Bu hastabakıcı, kendisini takdîm eden merkez-i umûmînin mensûb olduğu millet efrâdından tercîh edilecek- dir. 4-Meydân-ı şân ü şerefde vefât eden hastabakıcılar için evvelâ muhârebede hidemât-ı fiʻliyede bulundukları esnâda, sâniyen bir illet-i sâriye veya felâket-i umûmiye zamânlarında îfâ-yı vazîfe hâlinde vefât edenlere verilir. Nâmzedler esâmîsinin 31 Mart 1927 târîhinden evvel Cenevre Merkez Komitesi'ne teblîğ edilmesi meşrûtdur. Nightingale Madalyası, Salîb ve Hilâl-i Ahmer Mer- kez-i Umûmîleri tarafından merâsim-i mahsûsa ile taʻlîk edi- lir ve madalya altmışa takarrüb eden Salîb ve Hilâl-i Ahmer Merkez-i Umûmîlerinden gösterilecek nâmzedler meyânın- dan ancak on ikisine verilir. Madalyanın ikinci defa tevzîʻinde Hilâl-i Ahmer tarafından nâmzedliği vazʻ edilen Safiye Hü- seyin Hanımefendi bu madalya ile taltîf edilmiş idi. Safiye Hüseyin Hanımefendi Çanakkale Harbi'nin en müşkil ve bî-amân safahâtında mecrûhla- rımıza karşı gösterdiği fedâkârlıkla celb-i kulûba muvaffak olmuş ve Mütâreke'den sonra da Almanya ve Avusturya'da kalmış olan Türk tebaʻa ve talebesine yapdığı muʻâvenetlerle pek büyük yararlıklar göstermişdir. Hattâ Almanya'ya hîn-i azîmetinde râkib olduğu vapurun tifüslülerle dolu olmasına ve o vapurla hareket etmekden sarf-ı nazar etmesi bazı taraflardan tavsiye edilmesine rağmen Safiye Hanım vazîfesini îfâda bir dakîka tereddüd göstermemişdir. MÜHİM VE CÂLİB-İ NAZAR BİR MEŞHER Pek mühim ve hattâ denilebilir ki, şimdiye kadar hiç görülmemiş bir meşherin ahîren Viyana'da Maʻârif Meclisi binâsında reîsicumhûr tarafından resm-i küşâdı icrâ edilmişdir. İçki ile mücâdele terbiyesine tahsîs edilen bu meşherde içkinin teʼsîrât-ı muhribe ve meşʼûme- [130] Türkiye'de ilk defa Nightingale Madalyası'nı alan İstanbul Hilâl-i Ahmer Merkez-i Umûmîsi aʻzâsından Safiye Hüseyin Hanımefendi Mme. Safieh Hussein Bey Membre du Comité du C.R. du Vilayet de Stamboul, première titulaire de la Médaille Nightingale en Turquie