HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3135 sini cânlı bir tarzda gösteren âsâr ve masnûʻât içinde bilhâssa mekteb çocuklarının yapdıkları kurşun kalem, yağlıboya resimler ve orijinal şiʻr ve nesirler nazar-ı dikkati celb etmişdir. Meclis-i mekâtib reîsi nutk-ı iftitâhîsinde içki mücâdelesinin baʻdemâ mekteb programlarında mühim bir mevkiʻ iştigâl edeceğini ve mekteb tenezzühlerinde ve talebe gezintilerinde meşrûbât-ı küûliye istiʻmâline aslâ müsâmaha ve müsâʻade edilmediğini beyân etmişdir. İçkiye karşı mücâdelede bir monitör tekmîl zamânını talebe ve muʻallimîne ve mücâdelenin tarz-ı idâresini taʻlîme hasretmişdir. İçki Aleyhdârı Muʻallimîn Cemʻiyeti'nin Viyana şuʻbesi reîsi olup serginin başlıca mürettib ve müşevviki bulunan Doktor Rudolf Smola içki mücâdelesinde muvaffakiyeti bir kat daha teʼmîn edecek esbâb u vesâit meyânında muʻallimîn için Viyana'da altıdan aʻzamî sekiz derse kadar kurslar tertîbi pek nâfiʻ görmekde ve mekâtib-i tâliye için de içki düşmanı seyyâr monitörlere lüzûm göster- mekdedir. Doktor Rudolf, gençliğin himâyesine taʻalluk eden kânûnun herkesçe maʻlûm olmasının ve halk tarafından bilinerek tatbîk edilmesinin ehemmiyetine de işâret etmişdir. Reîsicumhûr içki istiʻmâlinin âilelerde yapdığı tahrîbâta nazar-ı dikkati celb etdiği sırada [132] polis vukûʻât raporlarındaki cerâimin % 60'dan % 70'inin sarhoşluğun taht-ı teʼsîrinde irtikâb edil- diğini hatırlatarak bu nisbetin Cumartesi ve Pazar günleri maʻalesef yüzde seksene ve hattâ yüzde doksana çıkdığını ve çocukların ve gençliğin terbiyesinden başlamakla ancak bu iʻtiyâdın önüne geçi- lebileceğini ve bu belâ-yı ictimâʻî ile mücâdele edenlerin nazar-ı saʻy ü gayretlerinin dâimâ mektebe teveccüh etmesi lâzım geleceğini beyân etmişdir. KARAHİSARISAHİB MAʻDEN SUYU İMTİYÂZI İmtiyâzı Hilâl-i Ahmer Cemʻiyeti nâmına istihsâl olunan Karahisarısahib maʻden suyuna âid karârnâme, mukâvelenâme ve şartnâme sûretleridir: Tasdîk-i âlîye iktirân eyleyen İcrâ Vekîlleri Heyʼeti'nin 17 Teşrîn-i Evvel [1]926 târîh ve 4.223 nu- maralı karârnâmesi sûretidir. Karahisarısahib vilâyeti dâhilinde nebeʻân eden ve hükûmete âid bulunan maʻden suyunun 12 Nisan [1]341 [1925] târîh ve 608 numaralı kânûnun birinci mâddesi mûcebince altmış sene müddetle Hilâl-i Ahmer Cemʻiyeti nâmına ihâlesi hakkında Ticâret Vekâleti'nden yazılan 13 Teşrîn-i Evvel [1]926 târîh ve 16360/482 numaralı tezkere ile merbûtu Maʻâdin Müdüriyet-i Umûmiyesi'nin 12 Teş- rîn-i Evvel [1]926 târîhli mazbatası ve buna müteferriʻ mukâvele ve şartnâme lâyihaları İcrâ Vekîlleri Heyʼeti'nin 17 Teşrîn-i Evvel [1]926 târîhli ictimâʻında mütâlaʻa ve tedkîk edilmiş ve mevzûʻ-ı bahis maʻden suyuna âid ihâle muʻâmelesinin vekâletçe ihzâr olunan mukâvele ve şartnâme dâiresinde icrâsı tasvîb ve kabûl olunmuşdur. 1 Teşrîn-i Sânî [1]926 Ticâret Vekîli Mustafa Rahmi