HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3136 Karahisarısahib vilâyetinde kâin maʻden suyunun imtiyâz karârnâmesine merbût mukâvelenâmesidir. Mâdde 1- Karahisarısahib vilâyetinde kâin maʻden suyunun işletilmesi imtiyâzı 17 Teşrîn-i Ev- vel [1]926 târîhli karârnâme mûcebince târîh-i mezkûrdan iʻtibâren altmış sene müddetle ve şerâit-i âtiye ile Türkiye Hilâl-i Ahmer Cemʻiyeti uhdesine ihâle ve ilzâm olunmuşdur. Mâdde 2- Harîta-i mahsûsasında gösterildiği vechile mezkûr maʻdenin hafr u iʻmâli için yirmi dokuz cerîb arâzî tahsîs olunmakla işbu arâzînin hudûdu şimâlen ve şarkan Çaldede tepesinden istikâ- met-i şimâliyesi müvâzî çekilen hattın Ablak karyesi tarîkına mülâkî olan noktasında kâin alâmet-i fârika noktasından bedʼ ile Kalhane köprüsü noktası beyninde hatt-ı müstakîm, cenûben mezkûr nok- tadan bedʼ ile Çaldede tepesinden hatt-ı müstakîm, garben mezkûr tepeden bedʼ ile mebdeʼ-i hudûd olan Çaldede tepesinden istikâmet-i şimâliyeye olan noktasında kâin alâmet-i fârika noktası beyninde hatt-ı müstakîm ile mahdûddur. Mâdde 3- İşbu maʻden suyu için ber-vech-i muharrer tahsîs olunan yirmi dokuz cerîb arâzînin Maʻâdin Nizâmnâmesi mûcebince beher cerîbi için resm-i mukarrer olmak üzere senevî onar ku- ruşdan iki yüz doksan kuruş ile mezkûr resm-i mukarrerin yüzde altısı hesâbıyla techîzât-ı askeriye tertîbi olan on yedi kuruş kırk santim mültezim tarafından beher sene Mart ibtidâsında iʻtâ kılınacak ve vakt-i muʻayyeninde iʻtâ olunmadığı hâlde eyyâm-ı müteehhire için nizâmen îcâb eden fâizi dahi ayrıca teʼdiye olunacakdır. Mâdde 4- Maʻden-i mezkûrdan ihrâc olunacak cevherin Maʻâdin Nizâmnâmesi 'nin ahkâm-ı mahsûsasına tevfîkan taʻyîn edilecek kıymeti üzerinden yüzde on resm-i nisbî ile mezkûr resm-i nis- bînin yüzde altısı nisbetinde techîzât-ı askeriye tertîbi mültezim tarafından teʼdiye olunacakdır. Mâdde 5- Zikrolunan maʻden suyunun iʻmâli harcı olmak üzere yüz elli aded Türk lirası ile [133] mezkûr harcın yüzde altısı nisbetinde techîzât-ı askeriye tertîbi mültezim tarafından teʼdiye olunacakdır. Mâdde 6- Mezkûr maʻden suyunun efʻâl ve esbâb-ı harbiye dolayısıyla mağara ve ebniyeleri hedm veya harekât-ı askeriye icrâsıyla ameliyâtı kısmen veya kâmilen taʻtîl etdirildiği hâlde mül- tezim hiçbir sûretle muhâlefete hakk u salâhiyeti olamayacağı gibi bir gûne zarar u ziyân, tazmînât talebine dahi hakkı olamayacakdır. Mâdde 7- Mültezim mezkûr maʻdenin iʻmâlât ve muʻâmelâtına müteferriʻ kâffe-i ahvâl ve husûsâtda Maʻâdin Nizâmnâmesi ahkâmına tebaʻiyet ve tatbîk-i hareket eyleyeceği misillü ihâle karârnâmesinin zeyli olarak teʻâtî olunan şartnâmeye ve Türkiye Cumhûriyeti kavânîn ve nizâmât-ı hâliye ve müstakbelesine tamâmıyla tevfîk-i hareket edeceğini taʻahhüd eder. Başvekâlet-i Celîle Kalem-i Mahsûs Evâmir ve Mukarrerât Kalemi Başkitâbeti'nden musaddak mukâvelenâme ile mukâbele edilmişdir. Maʻâdin Müdüriyet-i Umûmiyesi Mümeyyizi Necati İşbu mukâvelenâmenin 17 Teşrîn-i Evvel [1]926 târîhinde karâr-ı âlîye iktirân eylediği Baş- vekâlet-i Celîle'nin 25 Teşrîn-i Evvel [1]926 târîh ve 6/4041 numaralı tezkeresiyle teblîğ buyurul- muşdur. 10 Teşrîn-i Sânî [1]926