HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3137 Hilâl-i Ahmer Cemʻiyeti Merkez-i Umûmîsi Reîsi Doktor Refik Ticâret Vekîli Mustafa Rahmi *** Karahisarısahib Maʻden Suyunun Şartnâmesi Birinci Fasıl Mültezimin Vezâif-i Umûmiyesi Mâdde 1- 17 Teşrîn-i Evvel [1]926 târîhli karârnâme ve hudûd-ı muʻayyene ile ihâle olunan Karahisarısahib maʻden suyu imtiyâzı karârnâme-i mezkûra merbût işbu şartnâme ahkâmına tâbiʻdir. Sâhib-i imtiyâzın ikâmetgâh-ı kânûnîsi maʻdenin bulunduğu vilâyet dâhilinde olmak üzere bir müdür-i mesʼûl irâʻe ve mûmâileyhin tebdîli takdîrinde maʻdenin bulunduğu vilâyet vâlîsini ve Ticâ- ret Vekâleti'ni bir arzuhâl ile haberdâr etmeğe mecbûrdur. Sâlifü'z-zikr karârnâmenin târîh-i neşrinden iʻtibâren bir sene zarfında mültezim kendi makâ- mına kâim ve sermâyesi elli bin Türk lirası ve başlıca maksadı Karahisarısahib maʻden suyunun işletilmesi olmak üzere bir şirket teʼsîs edebilecekdir. Sermâyenin Ticâret Vekâleti'nin müsâʻadesini istihsâl şartıyla tezyîdi kâbildir. Mâdde 2- Mültezim işbu şartnâmenin beşinci mâddesi mûcebince müddet-i imtiyâziyenin hitâ- mında meccânen devlete rücûʻ edecek olan ebniye ve maʻdenin muhafazasına lâzım olan şeyleri tamâmen uhde-i tasarrufunda bulunduracak ve hüsn-i hâlde muhâfaza eyleyecekdir. Mültezim maʻ- denin iʻmâli için muktezî olan arâzî-i milliyeyi bilâ-bedel işgâl ve ashâbı uhdesinde bulunan arâzîyi usûlüne tevfîkan satın almakda, istîcâr etmekde veyâhûd muvakkaten işgâl eylemekde muhtardır. Mültezimin akdedeceği kâffe-i îcâr ve istîcâr veya kudret-i elektrikiye vesâire mukâvelenâmeleri maʻden terk olunduğu veyâhûd ihâlesi feshedildiği veya müddet-i ihâle münkazî olduğu takdîrde devletin mültezim makâmına kâim olacağı kayd-ı mahsûsunu ihtivâ edecekdir. İşbu mâddenin tatbîkinden dolayı Maʻâdin İdâresi'yle mültezim beyninde ihtilâf zuhûrunda işbu şartnâmenin yirmi beşinci mâddesi mûcebince hareket olunacakdır. İkinci Fasıl İhâle Müddeti – Müddetin İnkızâsı – Maʻdenin Terki – İhâlenin Feshi Mâdde 3- İhâle müddeti, işbu şartnâmeye tevfîkan ihâleyi âmir bulunan karârnâmenin neşir ve iʻlânını taʻkîb eden senenin Kânûn-ı Sânîsi ibtidâsından iʻtibâren altmış senedir. Mâdde 4- Müddet-i ihâlenin inkızâsından lâ-ekal yirmi beş sene mukaddem mültezimin talebi ve Maʻâdin İdâresi'nin teklîfi üzerine vekâlet, ihâlenin temdîdi lâzım gelip [134] gelmeyeceği hak- kında bir karâr ittihâz edecek ve temdîdine karâr verdiği hâlde keyfiyeti resmen mültezime teblîğ edecekdir. Bu sûretle bir karâr teblîğ edilmediği takdîrde ihâle mâdde-i sâbıkada taʻyîn olunan müddetin inkızâsında hitâm bulacakdır.