HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3139 1) Mültezimin maʻdeni işletmek için satın aldığı arâzî 2) Ebniye vesâir inşâât-ı sâbite 3) Maʻâdin Nizâmnâmesi 'nin altıncı mâddesi mûcebince demirbaş addolunan hayvânât ve maʻ- den ihrâcı ve nakil ve tathîr u tenkîhi için müstaʻmel kâffe-i âlât ü edevât ve bir senelik levâzımât [135] 4) Maʻden müstahrecâtının mevkiʻ-i fürûhta çıkarılmazdan evvel tâbiʻ tutulduğu ame- liyât-ı sınâʻiye ve ticâriyede müstaʻmel kâffe-i teʼsîsât ve levâzım. İşbu mâdde ahkâmının tamâmî-i icrâsını teʼmîn için imtiyâzın âhara devr u ferâğına ancak bâlâdaki ahkâma tevfîkan ihâle müddetinin inkızâsında meccânen devlete râciʻ olması lâzım gelen teʼsîsât ve levâzımın kâffesine şâmil olmak şartıyla müsâʻade edilecekdir. Mâdde 9- Evvelen, ihrâc edilmiş cevherlerin ve bir senelikden fazla levâzımın vesâir eşyâ-yı menkûlenin bir cüzʼü veya tamâmını, Sâniyen, maʻdenin işletilmesine müteʻallik olduğu hâlde sekiznci mâddede taʻdâd olunanlar meyânına dâhil olmayan gayr-ı menkûlâtı hükûmet müddet-i ihâlenin inkızâsında kendi hesâbına veyâhûd taʻyîn edeceği yeni mültezim veya müsteʼcir hesâbına satın almakda muhtârdır. Hükûmet hakk-ı hıyârını hangi menkûlât ve gayr-ı menkûlât için istiʻmâl edeceğini müddet-i imtiyâziyenin hitâmından lâ-ekal iki sene evvel maʻden mühendisi vâsıtasıyla mültezime bildirecek- dir. Menkûlât ve gayr-ı menkûlâtın tefrîkinde meccânen istirdâd hakkının veya mübâyaʻa hakk-ı hıyârının istiʻmâlinde veyâhûd bedel-i mübâyaʻanın takdîrinde iʼtilâf hâsıl olamadığı takdîrde yirmi beşinci mâdde mûcebince hareket olunacakdır. Mâdde 10- Mültezim müddet-i ihâlenin inkızâsından mukaddem imtiyâzı tamâmen veya kıs- men terk etmek isterse Maʻâdin Nizâmnâmesi 'nin sekseninci mâddesi mûcebince hareket edecek ve maʻden mahcûz ise beyânnâmesine mâdde-i mezkûrede zikrolunan vesâikden mâʻadâ terk etmek istediği aksâm için olsun haczin fekkedildiğini mübeyyin bir vesîka rabt eyleyecekdir. Maʻdenin kısmen terki matlûb ise, terk edilecek kısmın hudûd-ı imtiyâziyeyi ne sûretle tağyîr etdiği eski ihâle haritası üzerinde gösterilmek sûretiyle 1/5.000 mikyâsında üç nüsha harita verilecek- dir. Bu taleb üzerine ihâle muʻâmelesinde taʻkîb edilen usûlün aynı tatbîk olunacakdır. Maʻden tamâmen terk olunacak ise Maʻâdin İdâresi keyfiyet-i terkin kabûlünden evvel bazı ameliyâtın icrâsını mültezimden taleb edebilir. İşbu ameliyât icrâ ve bâlâda beyân olunan evrâk u vesâik iʻtâ olunduğu takdîrde maʻdenin terkine vekâletçe karâr verilecek ve keyfiyet merkezde ve maʻdenin bulunduğu mahalde gazetelerle üç defa iʻlân edilecekdir. Vekâletçe ittihâz olunan karâr târîhinden iʻtibâren maʻden metrûk addolunur. Maʻdenin terki ihâleye nihâyet vermiş olacağından hükûmet ve mültezimin hukûku işbu şartnâ- menin inkızâ-yı müddet ihâleye âid ahkâmı dâiresinde tesviye olunur. Mâdde 11- Maʻâdin Nizâmnâmesi mûcebince fesh-i imtiyâzı mûcib olan ahvâlden mâʻadâ mül- tezim birinci ve üçüncü mâddeler ahkâmına muhâlif hareketde bulunduğu veyâhûd zîrdeki yirmi dördüncü mâdde mûcebince tahmîl edilecek vezâifin îfâsını red veya ihmâl etdiği takdîrde dahi ihâle fesholunur. Fesih imtiyâzı mûcib olan bu hâllerden birinin vukûʻunda mültezime ihtârnâme teblîğiyle îfâ-yı muktezâya daʻvet olunur ve altı aydan aşağı olmamak üzere mühlet verilir.