HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3144 rahhaslar ve vilâyet murahhaslarından terekküb eder. Her sene Nisan içinde meclis-i umûmî âdiyen ve lüzûm üzerine 48'inci mâdde mûcebince fevkalâde olarak ictimâʻ eyler. Otuz Yedinci Mâdde- Her vilâyet merkezi, meclis-i umûmîye kendi mıntıkası dâhilinde mukay- yed olup âidât-ı seneviyesini tamâmıyla îfâ etmiş bulunan aʻzânın reʼy-i hafîsiyle ve beş yüzde bir nisbetinde murahhas gönderebilir. Murahhaslara masârıf-ı seferiye ve zarûriyelerine mukâbil mahal- leri meclis-i umûmîlerince 113'üncü mâddedeki kayıd dâhilinde olmak şartıyla tazmînât verilebilir. Seksen Üçüncü Mâdde- Vilâyet meclis-i umûmîleri senevî ictimâʻlarını Şubat'ın on beşinde akdederler. Doksan Üçüncü Mâdde- Kazâ şuʻbeleri meclis-i umûmîleri her Kânûn-ı Sânî'nin on beşinde başlamak üzere senelik ictimâʻlarını akdederler. Yüz Üçüncü Mâdde- Köy (mahalle) meclis-i umûmîleri dâhilinde mukayyed aʻzânın her sene Kânûn-ı Sânî bidâyetinde toplanmasıyla inʻikâd eder. İçlerinden bir reîs ve bir kâtib intihâb ederler ve müntehab reîs meclisi açar ve idâre eder ve müzâkerelerini ikmâl ederler. Yüz On İkinci Mâdde- (2) Her sene Kânûn-ı Sânî'de bir senelik vâridât ve masârıfât ve muʻâ- melâtını merbût bulunduğu nâhiye heyʼetine bildirmekdir. Yüz On Beşinci Mâdde- Merkez ve şuʻbeler cemʻiyetin nizâmnâme-i esâsîsine ve bütün nizâmât ve taʻlîmâtına tevfîk-i harekete mecbûrdurlar. Hükûmet her zamân cemʻiyetin muʻâmelât-ı umûmiye ve kuyûdât-ı hesâbiyesini teftîşe salâhiyetdârdır. Yüz Yirmi Üçüncü Mâdde- Vilâyet merkezleri bi'l-umûm şuʻbeleri dahi dâhil olduğu hâlde bir senelik vâridât-ı umûmiyelerinin yüzde kırkına kadar olan mikdârını mahallî ihtiyâcâtına tahsîse meʼzûn ve mütebâkîsini merkez-i umûmîye irsâle mecbûrdurlar. Ancak bu hadd-i aʻzamî meʼzûniyet dâiresinde meclis-i umûmîlerince tanzîm edilecek büdcelerinin merâkiz-i umûmiyece tasdîk edilmesi meşrûtdur. Merkez bulundukları mıntıkalarda umûmî âfât ve mesâibden biri vukûʻunda o merkez veya şuʻbe kendi idâre heyʼetinin mesʼûliyeti altında sandık mevcûdundan ilk imdâd ve muʻâvenet için şuʻbelerde yüz ve merkezlerde iki yüz elli liraya kadar sarfiyât icrâsına mübâşeretle berâber key- fiyeti merkez-i umûmîye serîʻan ihbâr ve lüzûmu varsa merkez-i umûmîden ayrıca muʻâvenet dahi taleb eder. Vilâyet merkezleri her sene Kânûn-ı Sânî, Nisan, Temmuz ve Teşrîn-i Evvel bidâyetle- rinde muhâsebe taʻlîmâtnâmesi mûcebince tanzîm edecekleri hesâb hulâsalarını ve Kânûn-ı Sânî'nin on beşinde heyʼet-i merkeziyelerce tasdîk edilmiş bir sene-i kâmile zarfındaki vâridât ve sarfiyât icmâllerini ve Kânûn-ı Evvel nihâyetinde de mevcûd nakidlerini merkez-i umûmîye göndermeğe mecbûrdurlar. _______________ İʻlâmât-ı adliyenin tabʻ ve ihzarına dâir merâkize 18 Teşrîn-i Sânî 1926 târîhinde gönderilen tahrîrât-ı umûmiye İʻlâmât-ı adliyenin Hilâl-i Ahmer Cemʻiyetince tabʻ ve ihzâr ve münâsib bir kıymet vazʻıyla ashâb-ı mesâlihin ihtiyâcâtına arz olunacak evrâk-ı matbûʻa üzerine tahrîri lüzûmu Adliye Vekâlet-i Celîlesi'nden 7607 / [140] 255 numara ve 9 Teşrîn-i Sânî [1]926 târîhiyle müddeʻî-i umûmîliklere teblîğ edilmiş olmakla cemʻiyetimize mühim bir menbaʻ-ı vâridât olacak olan bu iʻlâmların mıntıka-