HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3145 nız dâhilindeki mehâkim nezdinde istiʻmâlini teʼmîn edecek teşebbüsât-ı mukteziyede bulunulmasını ve lüzûmu mikdâr irsâl edilmek üzere numûne ve envâʻıyla bir senelik ihtiyâc mikdârının müsâraʻa- ten tesbît ve işʻâr buyurulmasını ve keyfiyetin şuʻabâta da taʻmîmini bilhâssa ve ehemmiyetle ricâ ve bi'l-vesîle hürmetlerimizi takdîm eyleriz, efendim. _______________ İstanbul Merkezi Faʻâliyetlerinden Hilâl-i Ahmer İstanbul Heyʼet-i Merkeziyesi'nin 27 Teşrîn-i Sânî ictimâʻında mekteblerdeki fakîr çocukların haftada üç gün iʻâşeleri müzâkere, iʻâşe edilecek talebe mikdârı beş bin olarak tesbît, mekteblerde iʻâşe husûsunun sûret-i tedvîrine dâir ihzâr edilen taʻlîmâtnâme münâkaşa edilerek kabûl ve şuʻbelere taʻmîmi tensîb edilmişdir. Talebenin iʻâşesi için Hilâl-i Ahmer İstanbul Merkezi'nin bu teşebbüsde tamâmıyla muvaffak olması ve teşebbüsün taʻmîm ü teşmîli için meclis-i umûmî-i vilâyete, Ticâret Odası'na ve ticâret borsasına mürâcaʻat lüzûmu hakkındaki teklîf de kabûl olunmuşdur. Cemʻiyet-i umûmiye-i belediye Hilâl-i Ahmer'e evvelce on iki bin lira teberruʻâtda bulundu- ğu için mürâcaʻat edilecek sâlifü'z-zikr müessesâtın cemʻiyet-i umûmiyeyi taʻkîb edeceği kuvvetle tahmîn edilmekdedir. _______________ Mersin'de Hilâl-i Ahmer Faʻâliyeti Mersin Hilâl-i Ahmer Merkezi milletin bu kara gün dostuna muʻâvenet için hummâlı bir faʻâli- yetle çalışmakdadır. Mersin'in hamiyetli ahâlîsi de bu hareketi hüsn-i telâkkî etdiğinden bütün devâir ve müessesât muʻâmelâtında Hilâl-i Ahmer'in şefkat pullarına mühim mevkiʻ verilmiş ve her muʻâ- mele bu güzel ve kudsî emel için tabʻ olunmuş pullarla süslenmniş bir hâldedir. _______________ Doktor Zeki Nâsır Bey Erkân-ı tahrîriyemizden Doktor Zeki Nâsır Bey Şikago'nun meşhûr-ı âlem olan Verem Mücâ- dele Teşkîlâtı'nı tedkîk ve bilhâssa prevantoryum ve sanatoryumlarını gezdikden sonra bu kere Balti- more'da kâin ve Rockefeller'in altı milyon dolara teʼsîs etdiği Hıfzıssıhha Mektebi'ne avdet etmişdir. _______________ Hilâl-i Ahmer Üçüncü Mıntıka Müfettişliği Dâhilindeki Faʻâliyet Cenûb vilâyetlerimizin merkez ve şuʻbelerinden peyderpey vürûd etmekde olan maʻlûmâta göre üçüncü mıntıka müfettişliği dâhilindeki merkez ve şuʻbelerimizde kıymetdâr bir faʻâliyet devâm etmekdedir. Adana merkezinin teʼmîn eylediği vâridât şâyân-ı ehemmiyet bir dereceyi bulmuşdur. Bu iki ay zarfında mütenevviʻ iki bine yakın hasta muʻâyene ve tedâvî edilmişdir.