HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3146 Mersin'de bir-iki hafta içinde iki yüze yakın aʻzâ kaydedilmiş, yevmiye pul hâsılâtı on lirayı geçmekde bulunmuşdur. Adana ve Mersin'de pamuk balyalarından mühim bir vâridât teʼmîn edilmek üzeredir. Ceyhan, Tarsus çok ümîdlidir. Cebel-i Bereket vilâyetinde dahi yeni heyʼet-i merkeziye [141] aʻzamî bir faʻâliyetle sarf-ı mesâʻî etmekdedir. Dörtyol portakal sandıklarından vesâireden şef- kat pulları mukâbilinde bir hayli vâridât teʼmîn edilmişdir. Marmaris kazâsı Bozburun nâhiyesiyle berâber bir gecede yüz beş aʻzâ kaydına muvaffak ol- muş ve sünger ihrâcâtından pul mukâbilinde mühimce bir teberruʻ teʼmîni takarrür etmişdir. Milas'da yeniden yirmi yedi aʻzâ kayıd ve ictimâʻıyla müteşekkil meclis-i umûmî faʻâl bir heyʼet intihâb ve tesbîte muvaffak olmuş ve Musevî vatandâşlardan iki yüz kadarı aʻzâlığı derʻuhde etmişdir. Aydın merkezi muntazam ve büyük bir faʻâliyete sahne olmakdadır. Nazilli'de yeniden heyʼet teşkîl olunmuş ve derhâl faʻâliyete geçilmişdir. Denizli'de dahi aynı mesâʻî sarf edilmekdedir. Tavas bir hayli müddetden beri metruk ve mensî bir hâlde iken yeniden teşekkül eden heyʼet sâyesinde az zamânda büyük bir eser-i terakkî ve tekâmül göstermişdir. Isparta, Burdur'da halı ve seccâdelerin arşını başından Hilâl-i Ahmer'e bir menfaʻat teʼmîni meclis-i umûmî-i vilâyetçe derdest-i tezekkürdür. Bütün bu vilâyâtda iki aylık hâsılât geçen bir senelik hâsılâtı maʻa-ziyâdetin geçmişdir. Hami- yetli halkımızın Hilâl-i Ahmer'ine bu muzâhereti devâm etdikçe işbu vilâyât hâsılât-ı seneviyesinin iki yüz bin lirayı geçeceği tahmîn edilmekdedir. _______________ Adana Hilâl-i Ahmer Dispanseri Teşrîn-i Sânî 1926 ayı içinde Adana Hilâl-i Ahmer Dispanseri'ne mürâcaʻat eden 835 hastanın muʻâyeneleri icrâ ve muʻâlecâtı meccânen iʻtâ edilmişdir. _______________ Diyarbekir Hilâl-i Ahmer Merkezi 22 Teşrîn-i Evvel 1926 târîhinde ictimâʻ eden Diyarbekir Hilâl-i Ahmer Meclis-i Umûmîsi tara- fından kabûl ve tasdîk edilen 1927 senesi büdcesiyle heyʼet-i merkeziyeyi teşkîl eden zevâtın esâmî- sini ber-vech-i âtî derc ediyoruz: Büdce Muhammen Vâridât Lira Şuʻabâtdan 1.500