HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3163 tayyâre sâhilden hîn-i hareketinde aşağı atmış ve bir âlet-i sâbihaya rabt edilmiş bulunan diğer ucunu da kazâzede sefînenin hizâsına geldiği zamân 50 metre irtifâʻa inerek bırakmışdır. Bu sûretle sefîne ile kara arasında vasıta-i irtibât teʼsîs edildiğinden kazâzedelerin sâhile çıkmaları taht-ı emniyete alınmışdır. İlk defa yapılan bu manevra, kazâ-yı bahrîler için bir tarzın müessir bir vâsıta-i tahlîsiye olaca- ğında şübhe bırakmamakdadır. Tahlîsiye sandallarıyla cânkurtaran fişenklerinden şimdiye kadar sâhilden aʻzamî 300 metrelik mesâfede vukûʻa gelen kazâlarda istifâde edilmekde olduğundan bu tecrübelerin tekerrüründen hâsıl olacak netâyice sabırsızlıkla intizâr olunmakdadır. _______________ Bulgar 2 Temmuz'dan 4 Temmuz'a kadar Sofya'da inʻikâd eden Bulgar Salîb-i Ahmeri'nin senelik mec- lis-i umûmîsine 1 Nisan 1925'den 21 Mart 1926 târîhine kadar heyʼet-i merkeziye icrâât ve faʻâliye- tine dâir verilen raporda merkez ve şuʻbelerin adedi 80 ve mikdâr-ı aʻzâ 10 ilâ 12 bin gösterilmişdir. Bulgar Salîb-i Ahmeri'nin 119'u Bulgar ve 49'u Rus olmak üzere "ekânîm-i selâse" hemşîrele- rinden teşkîl etdiği hastabakıcılar muhtelif hastahânelerde çalışmakdadır. Bulgar Salîb-i Ahmeri bu hemşîrelerden sakat ve maʻlûl kalacaklar için bir istirâhat yurdu teʼsîs etmişdir. Hastabakıcı Mektebi'nin müddet-i tedrîsiyesi üç senedir. Dördü şehrin en fakîr mahallâtında olmak üzere Bulgar Salîb-i Ahmeri vâlidelerle memedeki çocuklar için beş muʻâyene merkezi teʼsîs etmişdir. Hastabakıcılar bir sene zarfında 3.696 defa evleri ziyâret ve bu esnâda lüzûm gördükçe hâne halkına hıfzıssıhha kavâʻidini telkîn etmişlerdir. Salîb-i Ahmer Hastahânesi Bulgar Salîb-i Ahmeri'nin 100 yataklı bir hastahânesi vardır. Hastahâne meʼmûrîni 6 tabîb, 12 hastabakıcı, bir eczâcı ve bir de muʻâvininden mürekkebdir. Hastabakıcı Mektebi tâlibâtı burada stajlarını yaparlar. Hastahânede bir cerrâhî ve bir de emrâz-ı dâhiliye kısımları vardır. Bir sene zarfında hastahâne- ye dâhil olanların mikdârı 1.391'dir. Radyoloji teʼsîsâtı 1.272 muʻâyene icrâ etmişdir. Dispanser Bulgar Salîb-i Ahmer Hastahânesi'ne merbût dispanser Salîb-i Ahmer müessesâtıyla muhâcirle- re ve cemʻiyât-ı hayriyeye ilâc ve levâzım-ı sıhhiye [153] vermek sûretiyle muʻâvenetde bulunmak- dadır. Anbâr Âfât ve mesâib-i umûmiyeye karşı Bulgar Salîb-i Ahmeri'nin pek mükemmel bir anbârı mev- cûddur. Himâye-i Etfâl Etfâle Beynelmilel Muʻâvenet Heyʼet-i İttihâdiyesi'nin Bulgar Salîb-i Ahmeri himâyesinde bir şuʻbesi vardır. Muhâcir çocukları için meccânî taʻâmhâneler teʼsîs edilmişdir.