HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3164 Etfâl arasındaki veremle mücâdele ve ziyâretçi hastabakıcılar vezâifini îfâ edecek ebe teşkîlâtı için yapılan projeler henüz müzâkere ve tedkîk edilmekdedir. _______________ Florida Felâketi Amerika Salîb-i Ahmeri tarafından Florida felâketzedelerine yapılan muʻâvenete dâir elde etdi- ğimiz maʻlûmâtı ber-vech-i hulâsa ediyoruz: Tayyâre ve husûsî trenlerle mahall-i felâkete hareket etmiş olan Amerika Salîb-i Ahmer murah- hasları kasırganın hitâmını müteʻâkib teşekkül eden imdâd-ı sıhhî heyʼetleri arasında evvelâ münâse- bâtı teʼmîn etdikden sonra bir merkez bürosu teʼsîs etmiş ve bir müddet-i kalîle zarfında her kazâda mesken ve yurddan mahrûm olanlara mahsûs imdâd merkezleri ve kamplar küşâd eylemişdir. Cihet-i askeriyeden verilen çadırlarla Salîb-i Ahmer idâresi sekiz kamp teşkîl ve boş yatak bu- lunmamasına binâen hastahânelere kabûl edilemeyen 6.000 mecrûhun tedâvîsini derʻuhde etmişdir. Teşrîn-i Evvel'in altısından on üçüne kadar 6.500 kişiye yiyecek ve 4.650 kişiye elbise tevzîʻ ve 113.000 kişinin etıbbâ ve hastabakıcılar maʻrifetiyle müdâvât-ı sıhhiyeleri icrâ ve 12.300 kişiye de meskenlerini taʻmîr için para ikrâz edilmişdir. Gâibler için istihbârât şuʻbelerine bâ-istidʻâ mürâcaʻat edenlerin adedi 3.000 kişiye bâliğ ol- muşdur. Yapılacak müstaʻcel yardımlarla mecrûh nakleden trenlere nezâret etmeğe ve halka tifo aşısı yapmağa 340 kadın hastabakıcı ve 40 tabîb tahsîs edilmişdir. Felâketin yapılan bilançosunda 5.000 hâne tamâmen harâb olarak 17.799 âile meskenden ve esbâb-ı maʻîşetden mahrûm kalmışdır. Ölenlerin mikdârı 370 ve mecrûh olanların yekûnu 6.375'e bâliğ olmuşdur. _______________ Küba Küba adasında 20 Teşrîn-i Evvel'de zuhûr eden şiddetli bir kasırga netîcesinde şehir pek büyük hasâra uğramış ve Havana limanının kısm-ı aʻzamı harâb olmuşdur. Küba Salîb-i Ahmeri'nden vârid olan ilk maʻlûmâta nazaran yalnız Havana'da bu felâketden 200 kişi ölmüş, 2.000 kişi mecrûh olmuş, 3.000 âile meskensiz kalmış ve tahmînen 2.000 hâne kâmi- len yıkılmışdır. Cenevre Merkez Komitesi'yle Heyʼet-i İttihâdiye'nin Küba felâketzedelerine muʻâvenet tale- bini hâvî Salîb-i Ahmer Merkez-i Umûmîlerine 26 Teşrîn-i Evvel'de telgrafla vâkiʻ olan mürâcaʻat-ı müşterekeleri üzerine Amerika Salîb-i Ahmeri hemen 100.000 dolar teberruʻ etmişdir. Diğer Salîb-i Ahmer merkezlerinden gönderilen teberruʻât da şunlardır: [154] Belçika Salîb-i Ahmeri 5.000 frank, Danzig Salîb-i Ahmeri 150 gulden, Hatt-ı İstivâ 3.000 frank, Macar 100 dolar, Japonya 1.000 yen, Hollanda 1.000 filorin (takrîben 11.740 frank), Peru 6.000 frank, Lehistan 500 İsviçre frangı, İspanya 25.000 pezeta. Küba Salîb-i Ahmeri'nden istihsâl edilen son maʻlûmâtda ise 600 kişinin vefât etdiği ve 5.000 kişinin mecrûh olduğu ve 26 köyün ehemmiyetli bir sûretde rahnedâr olduğu bildirilmekdedir. _______________