HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3166 İʻtirâf etmek mecbûriyetindeyiz ki, Türkiye Hilâl-i Ahmer Cemʻiyeti milletin rüşd-i ictimâʻî- siyle mütenâsib olmakdan çok uzakdır. Bunu takdîr etmek için diğer ecnebî memleketlerdeki Salîb-i Ahmer Cemʻiyetlerinin aded-i aʻzâlarını sâdece göz önüne getirmek kâfi gelir. Meselâ Fransa Salîb-i Ahmer Cemʻiyeti 91.190, İsviçre Salîb-i Ahmeri 71.636, Belçika Salîb-i Ahmeri 50.000, Danimarka Salîb-i Ahmeri 136.816, İsveç Salîb-i Ahmeri 80.860 aʻzâya mâlikdir. Bizim memleketimizde ise Hilâl-i Ahmer'in tekmîl aʻzâsı 10.000'i geçmemekdedir. İsviçre, İsveç, Danimarka gibi harbden ve ictimâʻî âfâtdan nisbeten masûn olarak yaşayan bî-ta- raf ve mütemeddin memleketlerde Salîb-i Ahmer teşkîlâtlarına gösterilen bu rağbet ve alâka nazar-ı dikkate alınınca memleketimizin bu husûsda maʻalesef ne kadar geri olduğunu tasdîk etmek zarûret kesb eder. Amerika'ya gelince; orada Salîb-i Ahmer'e karşı gösterilen umûmî alâkanın derecesi bize hay- ret verecek bir râddededir. 1923 senesinde Amerika Salîb-i Ahmeri'nin aʻzâsı 20.000.000 ve Genç- lik Salîb-i Ahmer aʻzâsı 11.000.000'a bâliğ olmuşdu. Harb-i Umûmî'de Amerika Salîb-i Ahmeri'nin sermâyesi 400.000.000 dolar tutmuşdu. Bu mühim yekûnun 42.000.000'u aʻzâ taʻahhüdâtından, 282.000.000'u iki defa cemʻ olunan iʻânâtdan ve mütebâkîsi muhtelif menâbiʻ-i vâridâtdan toplan- mışdı. Bugün piyasada bir doların iki Türk lirasına yakın bir kıymeti olduğu düşünülürse 400 milyon dolar vâridâtın ehemmiyeti derhâl tasdîk edilir. Aynı zamânda Amerikalıların Salîb-i Ahmer teşkîlâtına verdikleri bu ehemmiyet bizim için mûcib-i teyakkuz olacak bir hâdisedir. Her hâlde Türkiye'de hükûmet mesʼelesi olarak her şeyden ziyâde müdâfaʻa-i milliye mesʼele- sine ehemmiyet vermek ne kadar lâzım ise ictimâʻî muʻâvenet nokta-i nazarından da Hilâl-i Ahmer teşkîlâtını o kadar takviye etmek lâzımdır. Bu da reîsicumhûr hazretlerinin pek doğru olarak işâret buyurdukları gibi ancak Hilâl-i Ahmer aʻzâsı adedinin memleketin rüşd-i ictimâʻîsi ile mütenâsib bir dereceye varması ve bütün milletin bu tenâsübü teʼmîn etmesi sûretiyle mümkün olabilir. Mehmed Asım " Müdür-i Mesʼûl: Arif Süleyman [156] Hilâl-i Ahmer Sanʻatevi'nin piyango biletlerinden kazanan numaraların sıra gözetilmek sûretiyle tertîb olunan cedveli 9 İkrâmiye Numarası Piyango Numarası İkrâmiye Numarası Piyango Numarası İkrâmiye Numarası Piyango Numarası 556 1 22 147 648 245 198 3 1.063 148 1.394 246 215 14 727 154 772 248 1.147 17 534 156 961 249 1.197 18 1.019 158 886 250 552 20 234 162 755 251 1.035 25 954 163 1.553 255 1.248 27 41 164 1.332 258 9 Kazanılan eşyânın nevʻine âid liste numaraların nihâyetine ilâve edilmişdir.