HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 65 3202 Yetîm ve Metrûk Çocuklara Yapılan Muʻâvenet [Aded] Âile nezdine verilen çocuklar 12 Salîb-i Ahmer müessesâtına kabûl olunan çocuklar 238 Sâir müessesâta kabûl olunan çocuklar 143 *** [176] Dârülfünûn Talebesi İle Çıraklara Yapılan Muʻâvenet [Aded] Salîb-i Ahmer'in muʻâvenet etdiği talebe 12 Salîb-i Ahmer'in yatı mekteblerine verdiği talebe 5 Salîb-i Ahmer'in âileler nezdine verdiği talebe 130 Yerleştirilen çıraklar 386 Salîb-i Ahmer'den muʻâvenet gören çıraklar 101 Âilelere, taʻtîl kolonilerine ve muhtelif müessesâta verilen çocuklar 1.030 LES GALLERIES LAFAYETTE'İN ÇOCUK BAKIM TEŞKÎLÂTI Paris'in en meşhûr mağazalarından biri olan Les Galleries Lafayette'in sâhibleri tevellüdâtın Fransa'da tenâkus etmesinden telâş ve endîşeye düşerek 1912 senesinde ehemmiyet-i ictimâʻiyesi fevkalade olan bir tecrübeye teşebbüs etdiler. Les Galleries Lafayette sâhibleri bu teşebbüsleriyle zâtü'z-zevc bir kadının işlemesini vâlidelik hâliyle gayr-ı kâbil-i teʼlîf olmadığını göstermek istediler. Mağaza ve iʻmâlâthâneleri meʼmûrîn ve müstahdemîni kadın erkek 8.500 kişiye bâliğ olan bu vâsiʻ teşkîlâtın muntazam bir küçük hastahânesi olmakla berâber erkân-ı idâresi numûne-i im- tisâl olacak bir eser-i ulvî ve insâniyetkârîyi meydâna getirmek arzusuyla müessese dâhilinde kadın meʼmûr ve amelenin çocuklarına mahsûs bir çocuk bakım yurdu teʼsîs etdiler. Yekdiğerine muttasıl, geniş ve ziyâdâr birkaç odada teşkîl olunan bu yurda yaşları bir ile on beş aylık arasındaki bebekler meccânen kabûl edilmekdedir. Vâlidenin vazʻ-ı hamlden on beş gün evvel ve doğurdukdan altı hafta sonraya kadar iki ay meʼzûn bulunduğu müddetçe müessese maʻâş veya yevmiyesini tamâmen tesviye eder ve işe yeniden başladığı zamân kadın çocuğu berâber getirir. Tramvay, metro, otobüs gibi umûmî vesâit-i nakliyelerde halkın taʻcîzâtına maʻrûz kalmamak için bakım yurdunda çocukları bulunan kadınların mağazaya sabâhları sâʻat-i nizâmîden yarım sâʻat sonra gelmelerine ve akşâmları müesseseden yarım sâʻat evvel çıkmalarına müsâʻade edilmekdedir. Bebekler sabâhları bakım yurduna getiri[l]dikleri zamân hastabakıcıların eydî-i ihtimâmına tevdîʻ olunurlar. Bebekler evvel emirde asrî her türlü konforu câmiʻ bir istihmâm salonuna idhâl olu- nur ve sonra çocuklara müessesenin yapdırdığı elbiseler iksâ edilir. Tuvaletlerinin ikmâlini müteʻâkib kar gibi beyâz elli küçük yatak gürbüz, sevimli elli çocuğu kabûle müheyyâ bulunur. Ancak vâlidelerin çocuklarını bizzât emzirmesi, şart-ı esâsî olup sütü derece-i kifâyede olma- yan vâlideler için yurd Paris civârından günde iki defa getirtdiği nefîs süt ile bu noksânı telâfi ve ikmâl eder.