HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 65 3203 Bi'l-cümle meʼmûrînin öğle yemeğini de ihzâr eden Les Galleries Lafayette emzikli vâlideler için muʻtâd öğle yemeklerine diğer bazı gıdâyı da ilâveten vermekdedir. Çocuklarını emzirmeleri için vâlidelere her üç sâʻatde bir işlerini terk etmeye müsâʻade edilir. Vâlide, emzirmeye tahsîs olunan odaya dâhil olmazdan evvel yavrusuna iş elbisesiyle temâs etme- mek için uzun beyâz bir gömlek (blûz) giyer. [177] Kreş müdîresi her sabâh çocukların vürûdu ânındaki ahvâl-i sıhhiyeleri hakkında mües- sese tabîbine maʻlûmât verir. Ahvâl-i sıhhiyelerinden şübhe edilen bebekler tecrîd odasına naklolunur. Şâyed bebekde bir hastalığın mevcûdiyeti tahakkuk ederse vâlide çocuğunu geri getirir. Bu sûretle şimdiye kadar bakım yurdunda hiçbir illet-i sâriyenin zuhûruna meydân verilmemişdir. Müessese tabîbi bu küçük misâfirleri sûret-i muntazamada muʻâyene ve haftada bir defa vezne- der ve çocukların ayrı ayrı bir müşâhede kâğıdı vardır. Tertemiz olan bu yataklar tâze bir hayât ve sıhhatden nişâne verir. Beşiklerinde uyuyanlar, oyuncaklarıyla oynayanlar, her odanın vasatını işgâl edip de ilk hatve- lerini atmağa çalışanlar, alçak bir masanın etrâfında her gün yasdıkları değiştirilen koltuklara kuru- lanlar, ve'l-hâsıl bu küçük mesʻûd ve bahtiyâr âlem-i rûha zevk ve neşʼe verir. Vâlidenin çocuğundan ayrılmasına mâniʻ olan ve bir tabîbin nezâret ve ihtimâmı sâyesinde irzâʻ-ı tabîʻîyi himâye ve teşvîk eden böyle bir müessesenin kıymet ü ehemmiyeti hakkında beyân-ı mütâlaʻayı zâid görüyoruz. Fi'l-hakîka Paris'de Les Galleries Lafayette'i taʻkîben bazı büyük mağa- zalarda ve bilhâssa Louvre Mağazası'nda kreş teʼsîs edilmeğe başlanmışdır. HAZER EDİLMESİ LÂZIM GELEN ŞEYLER Öpmenin Tehlikeleri Frengi bilhâssa münâsebât-ı cinsiye, emzirme, öpme ile doğrudan doğruya ve sofra ve tuvalet eşyâ ve levâzımı ve âlât-ı musikiye ile bi'l-vâsıta sirâyet eder. Fransız Hıfzıssıhha-i İctimâʻî Millî Propaganda Komitesi'nin neşretdiği terbiye rehberinde bir sirâyet vakʻasına âid âtîdeki müşâhede zikrediliyor: Dört yaşlarında bir bebek Paris'de Tuileries Sarâyı bâğçesinde oynarken düşmüş, dizinde hafîf bir yara hâsıl olmuşdur. O esnâda hâzır bulunan bir madam çantasından bir parça İngiliz yakısı çıkarır ve tükürükledikden sonra çocuğun dizine yapıştırır. Bir ay geçer geçmez bu küçük pansuman mahal- linde frengi şankrları zuhûr eder. Şâyed kadın bu çocuğu dudaklarından öpmüş olsa idi aynı hâdisenin orada zuhûr etmesi tabîʻî ve şübhesiz idi. Müteverrim bir şahıs öksürürken, aksırırken, yüksek sesle konuşurken tohum-ı marazı etrâfa yayar. Bu üç tarzda ince tükürük habbeleri Koch basillerini bir buçuk metre mesafeye kadar naklede- bilir. Dudak öpmekden veremin sirâyeti kesîrü'l-vukûʻdur. Çocuklarına refâkat eden vâlide ve sütanneler! Olur olmaz kimselere yavrularınızı öptürmeyi- niz. Hattâ hasta iseniz siz dahi çocuğunuzu öpmeyiniz.