HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 65 3207 husûlünü teʼmînen merkez müfettişi mülhakât şuʻabâtına azîmet etmiş idi. El-yevm Ödemiş'de bulu- nan müfettişimizden aldığımız maʻlûmâtda Ödemiş Hilâl-i Ahmer Şuʻbesi Reîs-i muhteremi Doktor Mustafa Beyefendi ile rüfekâ-yı muhteremelerinin delâlet ve irşâdkâr teşebbüsâtıyla Ödemiş ahâlî-i muhteremesinin emsâline fâik bir sûretle aʻzâ kaydolunmağa ve taʻahhüdâtlarını derhâl îfâ ve infâz eylemeğe mübâşeret etdikleri anlaşıldı. Hilâl-i Ahmer hakkında Ödemiş'in muhterem halkının göster- diği bu himâye ve sahâbetden dolayı teşekkürât-ı mahsûsamızı arz ve teʼyîd eyleriz. _______________ Tayyâre, Hilâl-i Ahmer ve Himâye-i Etfâl Cemʻiyetlerine Vâridât Tahsîsi Sinema filmleri, oyun kâğıdı, duvar, ceb takvîmi imtiyâzâtıyla mehâkim iʻlân ve evrâkının, muhtıra ve mekteb defterlerinin iʻmâl ve satışı Hilâl-i Ahmer Cemʻiyeti'ne, mahsûlât-ı arziyeden yüzde bir iʻâne ile bazı evrâkın tabʻ ve fürûht hakkı Tayyâre Cemʻiyeti'ne tahsîs olunmuşdur. Bundan evvel Tayyâre, Hilâl-i Ahmer ve Himâye-i Etfâl Cemʻiyetlerine dâimî menâbiʻ-i vâri- dâtın tefrîk ve tesbîti için alâkadârlar tarafından Halk Fırkası merkezinde bir ictimâʻ akdedilmiş idi. Bu ictimâʻda ihzârî bir sûretde tedkîk ve müzâkere edilen husûsâtın katʻî sûretde ve salâhiyet- dâr bir heyʼet tarafından tesbît ve tefrîkı için Başvekîl İsmet Paşa hazretlerinin riyâsetinde Erkân-ı Harbiye-i Umûmiye Reîsi Fevzi Paşa hazretleriyle Müdâfaʻa-i Milliye Vekîli Receb, Hilâl-i Ahmer Cemʻiyeti Reîsi ve Sıhhiye Vekîli Refik, Tayyâre Cemʻiyeti Reîsi ve Rize Mebʻûsu Fuad, Himâye-i Etfâl Cemʻiyeti Reîsi ve Kırklareli Mebʻûsu Doktor Fuad Beyler ictimâʻ ederek Hilâl-i Ahmer, Himâ- ye-i Etfâl ve Tayyâre Cemʻiyetlerinin sâha-i faʻâliyetine ve ihtiyâclarına nazaran vâridât menbaʻları- nın tahsîs ve tesbîtini müzâkere ve bu husûsda ittihâz-ı mukarrerât eylemişlerdir. Bu ictimâʻda sinema filmleri, oyun kâğıdı, duvar ve ceb takvîmi imtiyâzlarıyla mehâkim iʻlân ve evrâkının, muhtıra ve mekteb defterlerinin iʻmâl ve satışının Hilâl-i Ahmer Cemʻiyeti'ne Tayyâre Cemʻiyeti kongresi tarafından esâsı kabûl edilerek bir lâyiha-i kânûniye hâlinde Büyük Millet Mec- lisi'ne tevdîʻ edilen mahsûlât-ı arziyeden yüzde bir iʻâne ile eski posta pullarının Tayyâre Cemʻiye- ti'ne devri, evlenme evrâk ve defterlerinin ve cüzdânlarının rüsûmât ve diğer bi'l-umûm mehâkim evrâkının tabʻ ve fürûhtu vesâirenin Tayyâre Cemʻiyeti'ne tahsîsi ve şimdiye kadar Hilâl-i Ahmerce toplanan kurbân derileriyle Himâye-i Etfâl'in topladığı zekât ve fitrenin Tayyâre Cemʻiyeti tarafından derci ve yekûnundan Hilâl-i Ahmer, Tayyâre ve Himâye-i Etfâl Cemʻiyetlerinin müstefîd olmaları esâsları takarrür etmişdir. _______________ Hilâl-i Ahmer Hastabakıcı Mektebi Henüz iki yaşını ikmâl etmemiş olan Hastabakıcı Mektebi'miz çok iyi bir şekilde inkişâf etmek- dedir. Merkez-i umûmîmiz tarafından mübâyaʻa edilen mektebin bâğçesinde müceddeden inşâ olunan dâiredeki konferans salonu açılmış ve burada tedrîsâta başlanmışdır. Tâlibâtın çok lüzûmlu olan amelî sâhada lâyık oldukları derecede yetiştirilmelerini teʼmînen ikinci sınıf tâlibeleri Yenibahçe Gurebâ Hasta [182] hânesi'nde muvazzaf hastabakıcı sıfatıyla istih- dâm olunmakdadır. Bu hanımlar geceli gündüzlü hastahânede çalışmak sûretiyle nazarî ve amelî maʻlûmâtlarını bir kat daha tevsîʻ ediyorlar.