HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 65 3210 Mebânî-i resmiyeye keşîde kılınacak sancaklar hakkındaki [1]341 [1925] târîhli karârnâme sûretidir. 1-Millî sancağımızın rengi kırmızı olup şekli de tûlü arzının bir buçuk misli olan bir müstatîldir. 2-Hilâl ve yıldız merkezi sancağın tûlânî vasat hattı üzerinde bulunur. 3-Hilâl teşkîl eden iki dâireden hâricî dâirenin uçkurlukdan olan mesâfesi = sancağın arzının 1/5'idir. 4-Hilâlin hâricî dâiresinin nısf kutru = uçkurluk mesâfesi + aded-i yaprak + 3 5-Hilâlin hâricî ve dâhilî dâireler beynindeki aʻzamî açıklık = aded-i yaprak x 5 + 3 6-Hilâlin dâhilî dâiresinin nısf kutru = hâricî dâire nısf kutru – aded-i yaprak x 2 + aded-i yaprak/2 [184] 7-Yıldızın nısf kutru – hilâldeki hâricî ve dâhilî dâireler beynindeki aʻzamî açıklık 8-Yıldız, mâdde 7'de muharrer nısf kutrla resmolunan mevhûm dâire dâhiline mersûm mu- hammes-i muntazamdan istihsâl olunan beş şuʻâʻdan herhangi birinin reʼs-i hilâlin iki uçları beynine mevsûl hat üzerinde ve vasat noktasında bulunur. 9-Sancağın iʻmâl olunduğu şalının yani bezin ale'l-ekser arzı 50 santimetredir ki, beheri bir yapraktır. Uçkurluk = sancağın direk tarafına gelen arzânî kısmıdır. _______________ Şefkat Pulları Hakkında Merkez-i Umûmî Taʻmîmi Şefkat pulları bedeline mahsûben vukûʻ bulan satış ve tahsîlâta ve ale'l-hesâb tevdîʻâta mukâbil merkez veznelerinde muhâsebe taʻlîmâtnâmesinin dokuzuncu mâddesi mûcebince açık vezne mak- bûzu katʻ ve tanzîmine lüzûm görülmüş olmağla bu vechile iktizâsının îfâsı ricâsıyla teʼyîd-i hürmet olunur, efendim. Reîs _______________ Merâkize Teblîgât 1-Nizâmnâme-i esâsînin yirmi üçüncü mâddesinin fıkra-i ûlâsına tevfîkan nizâmnâme-i mezkû- run seksen üçüncü mâddesi mûcebince 1927 senesi Şubat'ının on beşinci günü ictimâʻ edecek olan vilâyet meclis-i umûmîsine arz edilecek büdce lâyihasının meclis-i umûmîce kabûlünden sonra mer- bût büdce cedvelinin, 2-Nizâmnâme-i esâsînin yüz yirmi üçüncü mâddesinin fıkra-i ahîresi mûcebince 1926 senesi Kânûn-ı Sânîsi ibtidâsından sene-i mezkûre Kânûn-ı Evvel'i nihâyetine kadar heyʼet-i merkeziyeye tasdîk edilmiş vâridât ve sarfiyât-ı umûmiye icmâlinin, 3-Kongre hitâmında senelik icrâât ve muʻâmelâtı mübeyyin raporun, 4-Muhâsebe taʻlîmâtnâmesinin 29'uncu mâddesi mûcebince 31 Kânûn-ı Evvel [1]926 târîhine kadar ve târîh-i mezkûrda numûnesi mütekaddim maktûʻ makbûz ve şefkat pulları icmâllerinin,