HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 65 3211 5-Nizâmnâme-i esâsînin 93'üncü mâddesi mûcebince Kânûn-ı Sânî'nin on beşinde inʻikâd ede- cek kazâ şuʻbeleri meclis-i umûmîleri tarafından tanzîm ve heyʼet-i merkeziyelerince tasdîk edi- lecek mezkûr büdce cedvellerinin, husûl-i ıttılâʻ zımnında merkez-i umûmîye irsâl buyurulmasını maʻa'l-ihtirâm ricâ. Ve Hilâl-i Ahmer'in teʼmîn-i muvaffakiyeti uğrunda çok kıymetli himmet ve muzâheretleri sebk eden heyʼet-i muhteremelerine arz-ı şükrân eder ve bundan sonra da mütezâyid bir arzu ve alâka ile cemʻiyetin teʻâlî ve muvaffakiyâtının teʼmîn ve teshîline himmet ve mesâʻîlerinin dirîğ buyurulma- masını temennî eyleriz, efendim. _______________ Hilâl-i Ahmer Pulları Hakkında Büyük Millet Meclisi'nin on altı Kânûn-ı Evvel ictimâʻı zabıtnâmesinden: Dînî ve millî bayram günlerinde istiʻmâl edilecek Hilâl-i Ahmer şefkat pulları hakkındaki kânû- nun birinci mâddesindeki "âdî mektûblar" kaydının kartpostallara da şâmil olup olmadığının tefsîrine dâir 3/758 numaralı Başvekâlet tezkeresi ve Posta ve Telgraf Encümeni mazbatası okunacak: [185] Riyâset-i Celîle'ye, Hilâl-i Ahmer şefkat hâtıra pullarının ilsâkına dâir olan kânûnun birinci mâddesinin taʻdîli hak- kında Çorum Mebʻûsu Mustafa ve Zonguldak Mebʻûsu Tunalı Hilmi Beyler tarafından verilen takrîr üzerine encümenimizce tekrâr icrâ kılınan müzâkere netîcesinde karârlaştırılan şekl-i taʻdîl zîrde derc ve heyʼet-i umûmiyeye takdîm olunur. Kâtib Çorum İsmail Kemal Mazbata Muharriri, Posta ve Telgraf Encü- meni Reîsi nâmına Trabzon Abdullah Aʻzâ Amasya Nafiz Aʻzâ Tokad Mustafa Aʻzâ Artvin Hilmi Aʻzâ Elaziz Mustafa *** Hilâl-i Ahmer şefkat ve hâtıra pullarının ilsâkına dâir 8 Haziran 1926 târîhli ve 919 numaralı kânû- nun birinci mâddesinin taʻdîline dâir kânûn Mâdde 1- 8 Haziran 1926 târîhli ve 919 numaralı kânûnun birinci mâddesi âtîdeki vechile taʻdîl edilmişdir: Dîn ve millet bayramlarıyla bunlara takdîm eden arefe günlerinde posta ve telgraf ücretinden ayrı olarak posta ve telgraf idârelerince kartpostallara yirmi paralık, âdî mektûblara bir, taʻahhüdlü