HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 65 3226 Salîb-i Ahmer ve diğer imdâd teşkîlâtının sarf etdiği himmet ü gayret sâyesinde mecrûhînden vefât edenler pek azdır. Japon Salîb-i Ahmeri, Florida felâketine bir muʻâvenet-i mahsûsa olmak üzere Amerika Salîb-i Ahmeri'ne 100.000 yen göndermişdir. _______________ Ermenistan Zelzelesi Ahîren Ermenistan'da vukûʻ bulan tezelzülât-ı arziyenin îkâʻ etdiği hasârât ilk günlerde alınan maʻlûmâtdan daha mühimdir. Hâl ve vazʻiyetin vehâmetine ve muʻâvenetin lüzûm-ı âciline binâen Cenevre Merkez Komitesi'yle heyʼet-i ittihâdiyenin müştereken umûm Salîb ve Hilâl-i Ahmer Mer- kez-i Umûmîlerine vâkiʻ olan mürâcaʻatlarında deniliyor ki: "-23 Teşrîn-i Evvel 1926 târîhinde sâʻat 19,40'da Ermenistan Cumhûriyeti arâzîsinin bir kısm-ı mühimminde şiddetli bir hareket-i arz vukûʻ bulmuşdur. Nâm-ı kadîmi Aleksandropol olan Lenina- kan şehri hemen kâmilen harâb olmuşdur. Mevcûd 3.821 hâneden ancak 50'si kalmışdır. 5.501 hâneyi ve 26.504 nüfûsu hâvî yirmi beş pâre köy ve kasaba âfetden son derece müteessirdir. 80.000 nüfûs meskensizdir. Nüfûsça zâyiʻât 350, mecrûhîn mikdârı 600'dür. Yalnız Leninakan şehrinde hasârât-ı [196] mâddiye 20 milyon ruble tahmîn edilmekde olup bunun ancak dörtde biri sigortalıdır. _______________ Belçika Belçika Velîʻahdı Prens Leopold'ün İsveç Velîʻahdı ve Salîb-i Ahmer Reîsi Prens Charles'ın kerîmesi Prenses Astrid ile izdivâcının hâtırası olarak Belçika Salîb-i Ahmeri tarafından Hakkâk-ı meşhûr Gudmorva de Vers'e? iʻmâl etdirilen madalya Salîb-i Ahmer menfaʻatine satılmışdır. _______________ Yardımlar 5 Teşrîn-i Sânî'de Filipin adalarının birçok eyâletlerini tahrîb eden tayfun ve feyezândan 150 kişi vefât etmiş ve yüz kadar hâne harâb olmuşdur. Amerika Salîb-i Ahmeri harâb olan üç eyâlet için hemen bir tabîb, altı hastabakıcı ve lüzûmu kadar elbise ve erzâk göndermiş idi. Ahîren iki hastabakıcı daha sevk etmişdir. Amerika Salîb-i Ahmeri, Filipin Salîb-i Ahmer Merkezi'nin mürâcaʻatı üzerine telgrafla 100 bin dolarlık bir muʻâvenet-i nakdiyede bulunmuşdur. _______________