HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 65 3227 Finlandiya Finlandiya Salîb-i Ahmeri Bulgar muhâcirleri için 2.000 ve güya felâketzedelerine ayrıca 2.000 Fransız frangı göndermişdir. _______________ Siyam Siyam Salîb-i Ahmeri, Küba felâketzedelerine 183 İngiliz lirası göndermişdir. _______________ Macar Belçika'da Gand, Brugge, Ostende vesâir şehirlerde âileler nezdine altı ay müddetle yerleştiri- len 600 zaʻîf Macar fakîr çocukları, Macar Salîb-i Ahmeri'nin ihzâr etdiği husûsî bir trenle bir tabîb, yirmi hastabakıcı ve dört hastabakıcının nezâreti altında Macaristan'a avdet etmişlerdir. *** Macar Salîb-i Ahmeri, etfâlin sıhhatini ıslâh zımnında pek büyük faʻâliyet göstermekdedir. Ge- çen yaz Berck-sur-Mer'de zaʻîf ve cılız çocuklara mahsûs dört ay için ihzâr etdiği müessesede çocuk- ların sıhhatlerinde mühim bir eser-i salâh görülmüşdür. Burada on çocuğa bir hastabakıcı verilmişdir. *** Macar Salîb-i Ahmeri Teşrîn-i Evvel'in son haftasında, Budapeşte'de birçok hıfzıssıhha pro- paganda konferansları tertîb etmişdir. Bu konferanslarda âtîdeki mevzûʻlar üzerine mütehassıslar îzâhâtda bulunmuşlardır: Teşrîh-i umûmî, gürbüz çocuk, hıfzıssıhhanın ehemmiyeti, verem, çocuklara hıfzıssıhha tedâvî- si, ayyâşlığın tehlikeleri, temizlik ve sıhhat. Verilen konferanslar heyʼet-i müstemiʻa üzerinde derîn teʼsîrler bırakmışdır. Müdür-i Mesʼûl: Arif Süleyman