HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3243 Özbekistan, Asya-yı Merkezî'de pâyitahtları Taşkend, Buhara ve Hive şehirleri olan Türkme- nistan, Buhara ve Hive gibi üç zengin vilâyetden müteşekkil olup mesâha-i sathiyesi 249.497 kilo- metre murabbaʻı ve nüfûsu 5.359.497'dir. Nüfûs-ı mevcûdunun % 66'sı Özbek, % 19,8'[i] Tacik, % 3,20'[si] Rus, % 2,60'[ı] Kazak, % 1,8'[i] Kırgız, % 1,4'[ü] Arab ve mütebâkî % 5,20'si Yahudi, Acem, Ermeni, Uygur ve diğer milliyet- lere mensûbdur. Çarlık Rus idâresi Özbekistan hars-ı millîsinin inkişâfına dâimâ mâniʻ olmuş ve Özbeklerden tabîb, hukûk-şinâs ve mühendis yetişememişdir. Yalnız Rus inkılâbından sonradır ki, istiklâlini kaza- nan Özbekistan, hars-ı millîsine sâhib olabilmişdir. Özbekistan'da Sosyalist Sovyet Cumhûriyeti teessüs etdikden sonra 1925 senesinin sonlarına doğru ancak bir Hilâl-i Ahmer Cemʻiyeti teşekkül edebilmişdir. Özbekistan Hilâl-i Ahmeri, Sosyalist Sovyet Cumhûriyetleri Salîb ve Hilâl-i Ahmer Cemʻiyet- leri İttihâdı unvân-ı cedîdi altında Rusya'da teşekkül eden ve Rus, Ukrayna, Beyâz Rus, Ermeni, Gür- cü Salîb-i Ahmer Cemʻiyetleriyle Azerbaycan Hilâl-i Ahmeri'nin de dâhil olduğu heyʼet-i ittihâdiye aʻzâsındandır. Heyʼet-i ittihâdiye aʻzâsından bulunan bu cemʻiyetlerden her biri teşkîlât-ı dâhiliyeleriyle faʻâ- liyetlerinde tamâmen serbestdir. Heyʼet-i ittihâdiyenin bir meclisi, bir icrâ heyʼeti ve meclisçe müntehab bir tedkîk komisyonu vardır. Meclisde Rus Salîb-i Ahmeri sekiz, Ukrayna dört [206] ve Özbekistan ile diğer dört cemʻiyet- den beheri birer reʼye sâhibdir. Özbekistan Hilâl-i Ahmeri tarafından idâre olunan bir dârületfâl Une maison de lʼenfant entretenne par le Croissant-Rouge de lʼUzbékistan