HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3244 İcrâ heyʼeti Rus, Ukrayna, Beyâz Rus Salîb-i Ahmerleriyle Özbek Hilâl-i Ahmeri'nden ve Ma- vera-yı Kafkas Federasyonu'ndan meclisçe müntehab beş aʻzâdan mürekkeb olup lâ-ekal ayda bir defa Moskova'da ictimâʻ eder. Özbekistan Hilâl-i Ahmeri bir reîs, bir reîs-i sânî ve üç aʻzâdan mürekkeb bir merkez-i umûmî tarafından idâre edilir. Yukarıda isimleri geçen üç hânlık merkez-i umûmî nezdine birer murahhas iʻzâmı hakkına mâlikdir. Özbekistan Hilâl-i Ahmeri şimdiki hâlde halkın tıbbî, sıhhî muʻâvenetine sarf-ı gayret ve em- râz-ı ictimâʻiye ile mücâdele etmekdedir. Özbekliler idâre-i sâbıka zamânında bir tarafdan hâricin taʻkîbâtına, diğer cihetden beyler ve emîrlerin keyif ve istibdâdına maʻrûz kaldığından memleket bu devr-i menhûsun cehâlet ve emrâz-ı ictimâʻiye gibi refʻ u izâlesi zamâna muhtâc iki beliyyesine vâris olmuşdur. Rus inkılâbına tekaddüm eden devr-i istibdâdda ise memleketde mevcûd müessesât-ı sıhhiye ve tıbbiyeye mürâcaʻat hakkı yalnız meʼmûrîn, ordu ve zenginlere bahşedilmiş bir imtiyâz mâhiyetinde olup köylü ve halk kitleleri her türlü tedâvî ve ihtimâmdan mahrûm bırakılmakda idiler. Şerâit-i iklîmiye, toprağın evsâfı, su tedârükünde tesâdüf edilen müşkilât, intânî hastalıkları nakle vâsıta olan haşerâtın kesreti Özbekistan'da her nevʻ hastalıkların tevessüʻ ve inkişâfına çok yardım etmişdir. [307] Özbekistan Hilâl-i Ahmeri tarafından idâre olunan çocuk muʻâyene merkezi Une consultation pour enfants, organisée par le Croissant-Rouge de lʼUzbékistan Bir de tabîb veya üfürükçü nâmı verilen mütetabbib ve şarlatanların câhil halk kitlelerini tedâvî etmek sûretiyle senelerden beri sıhhat-i umûmiyeye yapdıkları fenâlıklar tahmînin fevkindedir.