HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3246 Elektrik tedâvîsi 300 Pikür ve muʻâyene 10.061 Diş tedâvîsi 3.154 14.839 Verilen reçeteler 192.839 Etfâli Himâye Taht-ı tedâvîye alınan etfâl 44 Ebeveyne iʻâde veya evlâdlığa kabûl edilen çocuklar 32 Bazı erbâb-ı hayr u hasenâtın iʻânât ve teberruʻâtıyla ilâve edilen koğuşların inşââtı hitâm bul- duğu zamân hastahâneye daha 200 hasta kabûl edilebilecekdir. Kısm-ı Fennî Siyam Salîb-i Ahmeri Paris'de Institut Pasteur Müessesesi mâhiyetinde bir teşkîlât vücûda ge- tirmişdir. Burada tahlîlât ve taharriyât-ı fenniyeye mahsûs laboratuvarlar, hasta tedâvîsine mahsûs odalar, dispanserler, bir konferans salonu, bir kütübhâne, bir dâülkelb müessesesi ve bir aşı istihzârı mahalli vardır. Kuduz, çiçek, kolera, vebâ, emrâz-ı zühreviye, zehirli hayvânların sokması, cild ve hayvân hastalıkları tedkîk ve tedâvî edilir. Memleketde ziyâdesiyle intişâr ve tevessüʻ etmiş bazı hastalıklar hakkında burada taharriyât ve tedkîkât-ı fenniye icrâ edilir. Dâhiliye Vekâleti Sıhhiye İdâresi, birçok hastahâneler, adedi gitdikçe tezâyüd eden etıbbâ bak- teriyoloji tedkîkâtını burada icrâ etdirirler. Bundan mâʻadâ bi'l-cümle aşı ve serumlar bu müessesede ihzâr edilir. Kuduz aşısı uzak kurâ ve nevâhîye tarîk-ı havâî ile irsâl edilmekdedir. Hitâm bulan sene zarfın- da 1.684.104 kişiyi aşılamağa kifâyet edecek 42.570 gram çiçek aşısı ihzâr edilmiş ve 3.000 emrâz-ı cildiye ve zühreviye vekâyiʻi tedâvî olunmuşdur. [209] Sıhhiye Şuʻbesi Sıhhat-i umûmiyenin muhâfazası ve emrâza karşı tedâbîr-i mâniʻa ittihâzı bu kısmın derʻuhde etdiği başlıca vezâifdendir. Müessese meʼmûrînine maʻâş verilmekde ise de etıbbâsı fahriyen îfâ-yı hizmet ederler ve hastabakıcıları Siyam Salîb-i Ahmer Hastabakıcı Mektebi meʼzûnlarından alınır. Ziyâretçi hastabakıcılar, mekteblerde muʻâyene-i tıbbiye ve cüzâm yani miskînlik illetine karşı mücâdele bu şuʻbenin üç mühim mesâʻî-i dâimesini teşkîl eder. Bu şuʻbenin bir sene zarfındaki icrâât ve mesâʻîsi ber-vech-i âtîdir: