HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3250 Binâenaleyh raşitizmin intâc etdiği fenâlıkların önüne geçebilmek için güneşin lütuf ve ihsânın- dan bi-hakkın istifâde etmeği bilmeliyiz ve güneşin en müessir ziyâsının pencere câmından içeriye girmeyeceğini de unutmamalıyız. Veremin bazı vekâyiʻi de sû-i teşekküle sebeb olmakdadır ve bunun için veremin izâlesi sû-i teşekkül-i bünye maʻlûllerini % 25 nisbetinde azaltacağını iddiʻâ edenler vardır. Verem illeti mevcûd oldukça dâimâ sakat ve maʻlûl çocuklara tesâdüf edeceğiz. Âfetin savle- tine karşı yapılacak mücâdelede sâf havâ, güneş ve iyi bir tarz-ı tegaddî esâs olacakdır. Açık havâ mekteblerinin teksîr-i adedine gayret olunması da bu sebebdendir. Bünyenin sû-i teşekkülünde en müdhiş bir âfet olan felc-i tıflî ilk aʻrâzının zuhûrunda tedâvî edilmelidir. _______________ Mühim Bir İstatistik: Dâülkelb Müessesesinin Faʻâliyeti Memleketimizde pek meşkûr faʻâliyet gösteren Dâülkelb Müessesesi, talebimiz üzerine ahîren 1925-1926 senesi mesâʻîsini irâʼe eden istatistiği mecmûʻa mıza teblîğ etmek lütfunda bulunmuşdur. Bu istatistiğin mütâlaʻasından bir sene zarfında İstanbul Dâülkelb Müessesesi'ne 1.583 mürâ- caʻat vâkiʻ olduğunu anlıyoruz. Mürâcaʻat edenlerden dört yüz ikisinin hayvânları ber-hayât olduğun- dan tedâvîlerine müessesece lüzûm görülmemiş, altısının esnâ-yı tedâvîde ısıran hayvânların hayâtda oldukları anlaşıldığından tedavileri katʻ edilmiş, evvelce tedâvîleri icrâ edilmiş olmakla diğer iki kişinin tedâvîlerine lüzûm kalmamış ve üç kişi tedâvîden evvel firâr etmişdir. Bu hâlde Dâülkelb Müessesesi'nin bir sene zarfında taht-ı tedâvîye aldığı -müessese lisânıyla söyleyelim- meldugların mikdârı 1.170'dir. Ve hemen ilâve edelim ki, Dâülkelb Müessesesi'ne halkımız tarafından gösterilen iʻtimâdın seneler geçdikçe tezâyüd etdiğini yine bu istatistik delâletiyle anlıyoruz. İstatistikde nazar-ı dikkati celb eden bir cihet de sâlifü'z-zikr 1.170 kişinin ısırıldıkları şehirlere nazaran taksîminde İstanbul'a 205, İzmir'e 122 ve Ankara'ya 71 meldug isâbet etmişdir. Bir de bu 1.170 kişiden 854'ünün biraz aşağıda görüleceği üzere köpekler tarafından ısırılması memâlik-i sâirede olduğu gibi memleketimizde de bu hayvânlara karşı biraz daha fazla takayyüdât icrâsına lüzûm hissetdirmekdedir. Şu küçük mukaddimeden sonra Dâülkelb Müessesesi'nin teblîğ etdiği istatistiğin aksâm-ı mü- himmesini aşağıya aynen derc ediyoruz: [213] 1.170 kişi ısıran hayvânât cinsine nazaran taksîm olundukda: Kelb 854 Kurd 9 Kedi 96 Domuz 5 Çakal 80 Sırtlan 3 İnsân 62 Tilki 2 Öküz 15 Dana 1 Fâre 14 Ada tavşanı 1