HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3256 HİLÂL-İ AHMER HAVÂDİSİ Hilâl-i Ahmer Hastabakıcı Mektebi'nin İmtihânları Hilâl-i Ahmer Hastabakıcı Mektebi'nin son sınıf talebesinin meʼzûniyet imtihânları başlamış- dır. Sıhhiye ve Muʻâvenet-i İctimâʻiye Vekâleti bu imtihânlarda mümeyyiz sıfatıyla bulunmak üzere Şişli Hastahânesi Sertabîbi Doktor Şefik Hidayet, mezkûr hastahâne etıbbâsından İhsan Hilmi ve Sıhhiye Küçük Meʼmûrlar Mektebi Müdürü Doktor Muhyiddin Beyleri intihâb ve taʻyîn etmişdir. _______________ Sadaka-i fıtır, zekât ve kurbân derileri teberruʻâtına dâir 21 Kânûn-ı Sânî 1927 târîhli ve 250 nu- maralı merkez-i umûmî teblîgâtıdır. Sadaka-i fıtır, zekât ve kurbân derileri teberruʻâtının cemʻiyetimizle Tayyâre ve Himâye-i Etfâl Cemʻiyetleri beyninde bir nisbet-i muʻayyene dâiresinde taksîmi ahîren her üç cemʻiyet beyninde karârlaştırılmış olduğundan kemâ fi's-sâbık mıntıkanız dâhilinde bu teberruʻâtın derc ve tahsîlinde Tayyâre Cemʻiyeti'yle teşrîk-i mesâʻî olunmasını ve derc olunacak hâsılât yekûnunun sâdece mer- kez-i umûmîmize işʻârıyla iktifâ kılınarak teberruʻâtdan hiçbir vechile Hilâl-i Ahmer nâmına ayrıca hisse taleb edilmemesini ve teberruʻât-ı vâkıʻa mecmûʻunun Tayyâre Cemʻiyeti şuʻbesine tevdîʻini ricâ ve muvaffakiyetlerinizi temennî ederiz, efendim. _______________ 5 Şubat 1927 Târîhli Tahrîrât-ı Umûmiye Neşredilmek üzere bulunan umûmî rapor için mıntıka faʻâliyetiniz dâhilinde 1341 [1925] ve 1926 senelerinde mukayyed aʻzâ ile işbu aʻzâ âidâtından vukûʻ bulan tahsîlât mikdârının merbût ced- vele kaydıyla sürʻat-i iʻâdesini bilhâssa ricâ ile teʼyîd-i hürmet-i mahsûsa eyleriz, efendim. Reîs Konya Mebʻûsu _______________ [217] Hilâl-i Ahmer Cemʻiyeti'ne Dâimî Aʻzâ Olanlar Zîrde isimleri muharrer zevât-ı muhteremeye cemʻiyetimiz muʻaddel nizâmnâme-i esâsîsinin yirmi altıncı mâddesinin üçüncü fıkrası mûcebince dâimî aʻzâlık unvânı tevcîh kılınmışdır. Cemʻiyete defaten en az yüz lira verenler dâimî aʻzâ unvânını alır ve gümüş rozet ile resimli hüviyet varakası verilir. * Nevşehir tüccârlarından Cafer Efendizâde Hayrullah Efendi * Adana'da Fabrikatör Bosnalı Salih Bey