HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3257 * Adana'da Hacı Mehmed Ağazâde Lütfi Bey * İstanbul'da Millet Tiyatrosu ve Hilâl Sineması Sâhibi Şükrü Bey * İskenderiye'de Tüccâr İmâmzâde Mehmed Hakkı Bey _______________ Rosa Hanım Amerika'da Hilâl-i Ahmer merkezinin târîh-i teşekkülünden şimdiye kadar cemʻiyetin gâye ve maksadlarını neşr u taʻmîmde mühim hizmetler îfâ etmiş olan Rosa Hanım'ın bir fotoğrafîsini aşağıya derc ediyoruz. Amerika'da vatanın muhtâcîni menfaʻatine tertîb edilmiş hiçbir konser, hiçbir müsâmere, hiçbir hayırkâr teşebbüs yokdur ki, Rosa Hanım bunlara iştirâk etmiş olmasın. Rosa Hanım aynı zamânda Detroit merkezimizin aʻzâ-yı âmilelerin- dendir. Adana Hilâl-i Ahmer Dispanseri Adana Hilâl-i Ahmer Dispanser Tabâbeti'ni dört seneden beri fahriyen îfâ eden mezkûr dispanser müessisi Adana Belediye Sertabîbi Doktor Ahmed Bey'in hidemâtı şâyân-ı takdîr görülerek mer- kez-i umûmîden mûmâileyhe âtîde sûreti muharrer teşekkürnâme irsâl edilmişdir: Adana Belediyesi Sertabîbi Ahmed Beyefendi'ye, Muhterem Efendim, Adana Hilâl-i Ahmer Dispanse- ri'nin teʼsîsiyle dört seneden beri mezkûr dispanser tabâbetini fahriyen îfâ etmek sûretiyle cemʻiyetimize karşı gösterdi- ğiniz kıymetdâr alâka ve himemâtınıza merkez-i umûmî nâmına arz-ı teşekkür ve muvaffakiyât-ı mütevâliyeye mazha- riyetinizi temennî ile hürmet-i mahsûsa- mızı teʼyîd ederiz, efendim. Amerika'nın Detroit Hilâl-i Ahmer aʻzâ-yı âmilesinden Rosa Hanım Rosa Hanoum, membre actif contribue aux oeuvres de bien faisance organisée à Detroit en lʼhonneur du Croissant-Rouge