HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3271 Baʻdehû Mösyö Wanderwild Bulgar muhâcirlerine dâir aldığı raporlarda birçok Salîb-i Ahmer- lerin muʻâvenetleri teʼmîn edilmiş olduğunu görmekle memnûn olduğunu ve Amerika, Finlandiya, İspanya, Venezuela, Hatt-ı İstivâ, Macar, Almanya ve Belçika Salîb-i Ahmerleri bu cemʻiyetler meyâ- nında bulunduğunu ilâve etmişdir. Amerika Salîb-i Ahmeri, Bulgar Muhâcirleri Komitesi emrine yeniden 10.000 dolar gönder- mişdir. Bu meblağ ile Nisan'ın birinci gününe kadar 2.600 çocuğun iʻâşesi teʼmîn edilecekdir. İsveç Salîb-i Ahmer murahhasının teberruʻâtına ilâveten Bulgar Hükûmeti'nin iʻtâ edeceği meblağ ile halk matbahları bir misli daha tezyîd edilecekdir. *** [227] İspanya Salîb-i Ahmeri 1.000 Fransız frangı, Sırp Salîb-i Ahmeri 10.000 dinar gönder- mişdir. *** İngiliz Salîb-i Ahmeri'nin iʻzâm etdiği iki hastabakıcı hemşîre Varna'da Onuncu İmdâd-ı Sıhhî Merkezlerini teʼsîs etmişdir. *** İsveç Salîb-i Ahmeri bir doktor, iki hastabakıcı ve İtalya Salîb-i Ahmeri iki şefkat hemşîresi meʼmûr etmişdir. *** Norveç Salîb-i Ahmeri'nin Bulgar muhâcirleri menfaʻatine merkez ve şuʻbelerinde açdığı def- ter-i iʻâneye şimdiye kadar 2.500 frank kaydedilmişdir. _______________ Almanya Alman Salîb-i Ahmeri bir karne içinde on kartpostaldan mürekkeb çocuk hıfzıssıhha duvar levhalarının ikinci kısmını tabʻ etdirmişdir. Karnenin kabında "herkese mahsûs hıfzıssıhhanın evâmir-i aşeresi, sıhhat nasıl muhâfaza edi- lir?" cümleleri muharrerdir. _______________ Kanada Kanada Salîb-i Ahmeri'nin himâyesi altında bulunan Veremle Mücâdele Cemʻiyeti vereme kar- şı üç senelik bir mücâdele teşkîlâtı yapmışdır. Mücâdelenin kısm-ı mâlîsini sigorta şirketleri, hükûmet ve Salîb-i Ahmer teʼmîn etmişdir. _______________