HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3272 Kolombiya Kolombiya Salîb-i Ahmeri bir yaşından dûn olan fakîr çocuklara mahsûs bir Süt Damlası teʼsîs etmişdir. Damlada perhîz yemeklerini hastabakıcı hemşîreler tabh etmekdedir. Süt Damlası'nda her çocuğa verilen fişlerde çocuğun vezni, ahvâl-i sıhhiye-i umûmiyesi, gıdâ- sının terkîbi, irsî ve marazî olan ahvâl-i sâbıkası muharrerdir. _______________ İngiltere Vazʻiyet-i mâliyesi müsâʻid olmayan âilelere muʻâvenet-i tabiʻiyeyi teʼmîn ve teshîl maksadıyla üç sene evvel İdâre ve Menâfiʻ Sandığı nâmıyla teşekkül eden cemʻiyetin aʻzâsı 267.000'i geçmişdir. Cemʻiyet aʻzâsının her hafta muntazaman teʼdiye etdiği cüzʼî bir meblağ ile hem kendileri hem âileleri ihtiyâc hâsıl olduğu zamân hastahâneye girmek hakkına mâlikdirler. Hastalık zamânlarında aʻzâsına aʻzamî menfaʻat teʼmîn eden bu cemʻiyet aynı zamânda has- tahânelerin mühim bir istinâdgâh-ı mâlîsi olmakdadır. Hastahânelerde geçen sene taht-ı tedâvîye alınan aʻzâsı nâmına cemʻiyet muhtelif hastahânele- re 67.500 İngiliz lirası teʼdiye etmişdir. Cemʻiyete karşı halk pek büyük iʻtimâd ve emniyet gösterdiğinden geçen sene yeniden kaydo- lunan aʻzânın mikdârı 100.000'i tecâvüz etmişdir. _______________ Romanya Romanya Salîb-i Ahmer Cemʻiyeti Reîsi Alexandre Constantinescu 18 Teşrîn-i Sânî'de vefât etmişdir. _______________ [228] Avusturya Târîh-i teessüsünün ellinci devr-i senevîsi münâsebetiyle Aşağı Avusturya Salîb-i Ahmer Ko- mitesi yeniden aʻzâ kaydı için bir Salîb-i Ahmer günü tertîb etmişdir. Yevm-i mezkûrda bi'l-cümle merâkiz ve şuʻabât şâyân-ı takdîr bir faʻâliyet ibrâz etmişlerdir. _______________ Cemâhîr-i Müttefika Amerika Salîb-i Ahmer Cemʻiyeti Tahlîsiye Dâiresi Müdürü Yüzbaşı Charles Scully kongre tarafından iftihâr madalyasıyla taltîf edilmişdir. Bu zât, on seneden az bir zamân zarfında boğulmak tehlikesine maʻrûz kalmış, dört yüzden fazla kazâzedeyi kurtarmışdır. _______________