HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3273 Lehistan Lehistan Salîb-i Ahmeri'nin ahîren neşretdiği raporda cemʻiyetin mevcûd 336 merkez ve şuʻ- besinde mukayyed aʻzânın mikdârı 100.000 ve Gençlik Salîb-i Ahmer aʻzâsının 114.000'[e] bâliğ olduğu gösterilmekdedir. Poznan mıntıkasında birçok Himâye-i Etfâl ve Anneler Birliği Merkezleri teessüs etmiş ve Silezya'da verem mücâdelesine pek büyük gayret sarf edilmişdir. Şuʻbeler ayrıca mecrûhîne ilk muʻâ- venet kurslarını tertîble de meşgûl olmuşlardır. Yeniden küşâd edilen birçok dispanserlerin idâresi Salîb-i Ahmer hastabakıcılarına tevdîʻ edil- mişdir. Bransk Şehri Salîb-i Ahmer Merkezi umûma mahsûs otuz yataklı bir Salîb-i Ahmer hastahânesi teʼsîs etmişdir. _______________ Portekiz Portekiz Salîb-i Ahmeri ellinci devr-i senevîsi münâsebetiyle müessesâtı menfaʻatine bir seri hâtıra pulu tabʻ etdirmişdir. Bu pullarda Florence Nightingale'in resmi mahkûkdür. _______________ Letonya Bazı müessesât-ı hayriyenin iştirâki ve Sıhhiye-i Umûmiye İdâresi'nin himâye ve muʻâvenetiy- le Letonya Salîb-i Ahmeri bir hıfzıssıhha propaganda haftası tertîb etmişdir. _______________ Kanada Harb-i Umûmî senelerinde Kanada Salîb-i Ahmeri riyâsetinde bulunmuş olan Mîralây Noel Marschall Kânûn-ı Evvel'in onuncu günü vefât etmişdir. Marschall'ın beşeriyete îfâ etdiği pek büyük hizmetlerinden dolayı vefâtından biraz evvel Ro- manya kraliçesi tarafından Maria Regina Madalyası'yla taltîf edilmişdi. _______________ Norveç Norveç Salîb-i Ahmeri 1924-1926 devre-i icrââtına âid raporunu Teşrîn-i Evvel'de Oslo'da ic- timâʻ eden meclis-i umûmîye takdîm etmişdir. Norveç Salîb-i Ahmeri'nin 80.000 aʻzâsı ve Gençlik Salîb-i Ahmeri'nin 38 şuʻbesi ve 3.700 aʻzâsı bulunduğunu bu raporda okuyoruz.