HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3289 [237] Bu cedvelin mütâlaʻa ve tedkîkinden anlaşıldığına nazaran bir milyondan fazla aʻzâya mâlik olan Salîb-i Ahmerler şunlardır: Cemâhîr-i Müttefika Salîb-i Ahmeri 5.549.428 aʻzâ Japon Salîb-i Ahmeri 3.365.924 aʻzâ İtalya Salîb-i Ahmeri 1.720.000 aʻzâ Almanya Salîb-i Ahmeri 1.288.000 aʻzâ Gençlik Salîb-i Ahmer teşkîlâtına mâlik olan 38 millî Salîb-i Ahmer Cemʻiyeti'nden 16'sında gençlik aʻzâsı ana Salîb-i Ahmer aʻzâsına nisbetle mütezâyid bulunduğunu ve hattâ bu fazlalık bazı memleketlerde iki-üç misline bâliğ olduğunu âtîdeki cedvel göstermekdedir: Salîb-i Ahmer Aʻzâsı Gençlik Salîb-i Ahmer Aʻzâsı Sırp, Hırvat, Slav nâmını taşıyan Sırp Salîb-i Ahmeri 20.000 161.146 Romanya Salîb-i Ahmeri 15.360 50.000 Macar Salîb-i Ahmeri 38.000 114.000 Letonya Salîb-i Ahmeri 2.200 9.500 Ana ve Gençlik Salîb-i Ahmerlerinin aded-i aʻzâsı bir intizâm ve ıttırâd-ı tâm ile tezâyüd eden yalnız Japonya ile Çekoslovakya'dır. _______________ HİLÂL-İ AHMER'İN CÂMİʻ VE BAYRAM GÜNLERİ Salîb-i Ahmerler veya diğer bütün müessesât-ı hayriye gibi Hilâl-i Ahmer de erbâb-ı hayr u hasenâtın muʻâvenât-ı mâddiye ve maʻneviyeleriyle yaşar ve inkişâf eder. Harb-i Umûmî esnâsında teʻâvün kuvvetlerini ziyâde yükselten Salîb-i Ahmerler vâridât menâbiʻi bulmak için muhtelif vâsıtalara mürâcaʻat etmişlerdi. Bu vâsıtalardan biri de Cemâhîr-i Müttefika-i Amerika'da ve İngiltere'de Church Day, yani kilise günü taʻbîr olunandır. Bu iki mem- leketin Salîb-i Ahmer Cemʻiyetleri, senenin birkaç muʻayyen gününde bütün kiliselerde para topla- mak usûlünü tatbîk eylemek sûretiyle pek parlak muvaffakiyetler elde etmişlerdir. Amerika ve İngiliz Salîb-i Ahmerlerinin vâridât fasıllarından en mühimmini teşkîl eden kilise günü, bu iki cemʻiyete mühim vâridât teʼmîn ediyor. Hilâl-i Ahmer de "Câmiʻ ve Bayram Günleri"ni ihdâs etmişdir. Maʻlûmdur ki, İstanbul'da Ra- mazân Bayramı'nın ilk günü, Hilâl-i Ahmer'in Çiçek Günü'dür. Bu âdet bâki kalmakla berâber Ra- mazân ve Kurbân Bayramlarının ilk günleri Câmiʻ Günleri ittihâz ediliyor. Bu iki mübârek günde bayram namâzına giden her müslümân câmiʻ-i şerîfe konacak bir kutu veya tepsiye, gönülden ne ko- parsa atar. Bu âdet, Türkiye Cumhûriyeti'nin en küçük köylerindeki câmiʻlere kadar teşmîl edilebilir. [238] Bu sûretle Ramazân ve Kurbân Bayramlarının ilk günlerinde bayram namâzının edâsın- dan sonra bütün millet Hilâl-i Ahmer'i yani bütün eytâm, erâmil ve fukarâyı düşünmek fırsatını elde etmiş olur. Bütün memâlik-i İslâmiye'deki câmiʻlerden de aynı himmet ve mürüvvetin ibzâline intizâr olunur.