HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3290 Câmiʻ veya bayram günlerinin hâsılâtı, ber-muʻtâd mecmûʻamızda neşredilecekdir. Bir ricâ: Türkçe gazetelerin ve muhtelif lisânlarda neşrolunan cerâid-i İslâmiye'nin bu küçük beyânnâmeyi sütûnlarına derc eylemelerini, hakkımızdaki dâimî lütuf ve teveccühlerinden ricâ ve niyâz eyler. Hilâl-i Ahmer Mecmûʻası ABUT FİRÂRÎLERİ Âtîdeki makâleyi Roma'da intişâr eden Difesa Sociale ( İctimâʻî Mesned ) mecmûʻasının Kânûn-ı Sânî 1927 târîhli nüshasından bi't-terceme buraya naklediyoruz. Makâlenin muhteviyâtından anlaşı- lacağı vechile mevzûʻ gâyet mühim ve ez-her cihet şâyân-ı tedkîkdir. İtalya'nın 1923 istatistiği tevellüdâtın binde 29,2 olduğunu kaydediyor. Aynı senede vefeyât binde 16,6'dır. Tevellüdâtın lehine binde 12,6 kalıyor ki, bu gidiş ile İtalya nüfûs-ı umûmîsi bir asır zarfında şimdiki nüfûsunun bir misli daha çoğalacak demekdir. Bu kadar çok insân kitlelerini besleyebilmekde olan toprağımızın ıslâh ve idâresiyle meşgûl olanlar için bâ-husûs şimdiye kadar gayr-ı mezrûʻ ve bataklıklarla mestûr topraklar için bu hâl mühim bir mesʼeledir. Bu mesʼele İtalya hâricinde İtalyan fikir ve faʻâliyetini bekleyen arâzî-i cesîmede yeni mahrec- ler açmağa sâik olacak bir âmildir. Bazı anûd hodbînlikler bizim milletimiz gibi çalışkan ve velûd bir millete, bu yolları seddediyorlar. Bu ise vatanımızın istikbâl-i târîhisinde büyük bir iʻtimâd alâmeti olarak telâkkî olunuyor. Eski zamân târîhinde olduğu gibi bugün dahi dünyânın herhangi bir tarafında bulunan her İtalyan ferdi İtalyan mefkûresinde yeni bir vahdet teşkîl eder. Bu vahdetin İtalya'nın gâib etmiş olduğu zamân kazanabilmek için adeden ve kıymeten tezâyüd etmesi lâzım gelir. Bu sûretle târîhin yollarını idâre eden 70 milyon Alman, 100 milyon Anglo-Sakson, 150 milyon Rus Slav dere- cesine vâsıl olabiliriz. Bu ümîdimize emniyet edebilir miyiz? Bunun için âtîdeki cedvele atf-ı nazar edelim. 1923 senesinin yüzde hesâbıyla tevellüdât ve vefeyât cedveli şudur: Mıntıkanın İsmi Kilometre İʻtibârıyla Ahâlînin Kesâfeti Tevellüdât Vefeyât Fark Piemonte 115 18,6 15,1 3,5 Liguria 251 18,9 14 4,9 Lombardiya 211 26,9 17,1 9,8 Veneto 161 337 15,5 18,2 Emilia 142 28,4 15,5 12,9 Toskana 118 25,5 14,5 11 Marche 119 31,4 17,3 14