HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3298 Şekil 9- Ale'l-umûm zenginlerin tarz-ı tegaddîsini gösterir. Bu nevʻ cümmede yağ, şeker ve proteinli mevâddın fazlalığı ve vitamin B'nin azlığı câlib-i dikkatdir. Şekil 10- Ale'l-umûm fakîrlerin gıdâsını gösterir. Nişasta ve şekerli mevâddın fazlalığı, buna mukâbil bütün vitaminlerin ve bilhâssa B'nin azlığını gösteriyor. Bugün vitamin mesʼelesi bütün dünyâda iğtidâ husûsunda ehemmiyet verilen yegâne bir mesʼe- le hâline girmişdir. Bütün âile ve ictimâʻiyâtda, bi'l-umûm lokanta ve hastahânelerde kiler ve liste mevcûdları vitamin esâsâtına göre iddihâr, tanzîm ve tevzîʻ olunmakdadır. [245] Amerika'da bazı yüksek ve resmî mehâfil ve kulübler müstesnâ olmak üzere hemen bi'l- umûm âileler yemişlerini, sıhhî temizliğini teʼmîn etdikden sonra kabuklarıyla yemeği âdet edin- mişlerdir. Yüksek lokantalara girmesi evvelce ihtimâl ki, bir hakâret diye telâkkî edilen mısır koçanı bugün yeni dünyânın bi'l-umûm lokantalarında bütün yaz imtidâdınca suda haşlanarak her müşterîye takdîm olunmakdadır. Eskiden bir süs, ordövr diye telâkkî edilen salata envâʻı ve soğuk yemekler bugün herkesin meclûb olduğu kıymetli birer gıdâ sırasındadırlar. Bilhâssa tâze meyvelerin vitamin nokta-i nazarından kıymeti denilebilir ki meyve ticâretini harbden sonra bütün memleketlerde yüksek ve ehemmiyetli bir mevkiʻe çıkarmışdır. Sâde bebek ve çocuk gıdâsı diye bir tarafa bırakılan sâf süt bugün lokanta ve kırâathânelerin başlıca gıdâî bir meşrûbu sayılıyor. Vitaminin bilhâssa tâze ve basît gıdâlarda fazlaca bulunuşu ve bu mevâddın fiyâtının da ucuzluğu halkı gün geçdikçe salamura konserve gibi sınâʻî ağdiyeden nefret etdirmekde olduğu da görülüyor. Memleketimizde bilhâssa yeni yetişen nesil ve çocuklarımıza bu hakâyıkı velev ki basît ve ib-