HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3300 Atılan ilk hatve ile Hilâl-i Ahmer maksad ve gâyesine halkın nazar-ı dikkati celb edilmiş ve yapılan propagandalar dağlık arâzîdeki kurâ ve kasabâta kadar tevessüʻ etmişdir. Halk lisânıyla ka- leme alınan hitâbelerin pek büyük teʼsîrâtı görülmüş ve Bakü hâric kalmak üzere 30.000 kişi aʻzâ kaydolunmuşdur. Cemʻiyeti taht-ı himâyesine alanAzerbaycan Sovyet Hükûmeti su, deniz, demiryolu nakliyâtın- dan, pasaport harçlarından vesâireden mühim bir hisse ifrâz ve ayrıca tahsîsât iʻtâsı sûretiyle cemʻiye- tin terakkiyât-ı müstakbelesini teʼmîn etmişdir. Azerbaycan Hilâl-i Ahmer Nizâmnâme-i Esâsîsi'nin on dokuzuncu mâddesinde "hadd-i bülûğa varmış olan ve hukûkdan mahrûm olmayan ister kadın ister erkekler dîn ve milliyeti nazara almaya- rak cemʻiyetin hakîkî uzvu olabilir" deniliyor. Azerbaycan'da etıbbâ ve meʼmûrîn-i sıhhiyenin mahsûs derecede tederrünü ve teşkîlât-ı sıhhi- yeye henüz başlanmış olması dolayısıyla memleketin hemen aksâm-ı mühimmesinde icrâ-yı hükm etmekde olan malaryadan ahâlî kâmilen denilecek derecede muztaribdir. İllet, ilkbahâr ile yaz mevsi- minde zürrâʻ ve rençberler arasında icrâ-yı habâset etdiğinden kâbil-i zerʻ olan arâzînin kısm-ı küllîsi zerʻ olunamamakdadır. Bundan mâʻadâ mesâil-i sıhhiyeye tamâmen bîgâne kalan halk sühûletle üfürükçülerle monlâ- ların bâzîçesi olmakdadır. Azerbaycan Hilâl-i Ahmer Cemʻiyeti'nin teşkîl etdiği sıhhî-tıbbî üç heyʼet ahâlînin kinin ihtiyâ- cını tatmîn etmekde ve vâsiʻ mikyâsda sıhhî propaganda yapmakdadır. [247] Azerbaycan Hilâl-i Ahmer Cemʻiyeti'nin yetiştirdiği ilk hastabakıcı hemşireleri La prerière promotion des infirmières de lʼécole organisée par la meme société