HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3301 Sarf olunan gayret ve mesâʻî sâyesinde malarya vukûʻâtının hissedilecek derecelerde tenâkus etdiğini gören halk gerek bu heyʼetlere ve gerek Hilâl-i Ahmer'e karşı teveccüh göstermeğe başla- mışdır. Lüzûmu olan muʻâlecât-ı tıbbiyeyi halkın sühûletle tedârük edebilmesi için dağlık arâzîdeki köylerde tecrübeten iki eczâhâne açılmışdır. Bir de trahom vekâyiʻine karşı ittihâz-ı tedâbîr etmek üzere ayrıca teşkîl edilen iki heyʼete bazı mütehassıs etıbbâ da idhâl olunmuşdur. Bu heyʼetin geçdiği yerlerde ahâlîye şâyân-ı takdîr sıhhî muʻâveneti meşhûd olmakdadır. Karabağ'da teʼsîs olunan vilâdethânede ale'l-umûm kadın hastalıkları tedâvî edilmekdedir. Azerbaycan Hilâl-i Ahmeri bir de çocuk muʻâyene merkezi küşâd etmişdir. _______________ Manisa vilâyetinin Alaşehir kazâsında kâin Sarıkız Maʻden Suyu'nun imtiyâz karârnâmesinin mer- bût mukâvelenâmesidir. Mâdde 1- Manisa vilâyetinin Alaşehir kazâsında vâkiʻ Sarıkız Maʻden Suyu'nun işletilmesi im- tiyâzı 26 Kânûn-ı Evvel [1]926 târîhli karârnâme mûcebince târîh-i mezkûrdan iʻtibâren altmş sene müddetle ve şerâit-i âtiye ile Türkiye Hilâl-i Ahmer Cemʻiyeti uhdesine ihâle ve ilzâm olunmuşdur. Mâdde 2- Harita-i mahsûsasında gösterildiği vechile mezkûr maʻdenin hafr ve iʻmâli için yüz cerîb arâzî tahsîs olunmakla işbu arâzînin hudûdu şimâlen top yatağı tepesinden bedʼ ile [248] Ilıca- hamamı köprüsüne, şarkan buradan Örenler tepesine, cenûben mezkûr noktadan Hüseyin tepesine ve garben mezkûr noktadan mebdeʼ-i hudûd olan Topyatağı tepesiyle mahdûddur. Mâdde 3- İşbu maʻden suyu için ber-vech-i muharrer tahsîs olunan yüz cerîb arâzînin Maʻâdin Nizâmnâmesi mûcebince beher cerîbi için resm-i mukarrer olmak üzere senevî onar kuruşdan bin kuruş ile mezkûr resm-i mukarrerin yüzde altısı hesâbıyla techîzât-ı askeriye tertîbi olan altmış kuruş mültezim tarafından beher sene Mart ibtidâsında iʻtâ kılınacak ve vakt-i muʻayyeninde iʻtâ olunmadı- ğı hâlde eyyâm-ı müteehhire için nizâmen îcâb eden fâiz dahi ayrıca teʼdiye olunacakdır. Mâdde 4- Maʻden-i mezkûrdan ihrâc olunacak cevherin Maʻâdin Nizâmnâmesi 'nin ahkâm-ı mahsûsasına tevfîkan taʻyîn edilecek kıymeti üzerinden yüzde on resm-i nisbî ile mezkûr resm-i nis- bînin yüzde altısı nisbetinde techîzât-ı askeriye tertîbi mültezim tarafından teʼdiye olunacakdır. Soğuk ve sıcak maʻden suları istismârı hakkındaki 10 Haziran [1]926 târîhli kânûn mûcebince rüsûm-ı nisbiye ahzı îcâb etmeyeceğinden işbu mâdde tayyedilmişdir. Ticâret Vekâleti Maʻâdin Müdüriyet-i Umûmiyesi Mâdde 5- Zikrolunan maʻden suyunun iʻmâli zımnında ihâleyi hâvî takdîr buyurulmuş olan imtiyâz harcı olmak üzere yüz elli aded Türk lirası ile mezkûr harcın yüzde altısı nisbetinde techîzât-ı askeriye tertîbi mültezim tarafından teʼdiye olunacakdır. Mâdde 6- Mezkûr maʻden suyunun efʻâl ve esbâb-ı harbiye dolayısıyla mağara ve ebniyeleri hedm veya harekât-ı askeriye icrâsıyla ameliyâtı kısmen veya kâmilen taʻtîl etdirildiği hâlde mülte- zim hiçbir sûretle muhâlefete hakk u salâhiyeti olamayacağı gibi bir gûne zarar u ziyân ve tazmînât talebine dahi hakkı olamayacakdır. Mâdde 7- Mültezim-i mezkûr maʻdenin iʻmâlât ve muʻâmelâtına müteferriğ kâffe-i ahvâl ve husûsâtda Maʻâdin Nizâmnâmesi ahkâmına tebaʻiyet ve tatbîk-i hareket eyleyeceği misillü ihâle karârnâmesinin zeyli olarak teʻâtî olunan şartnâmeye ve Türkiye Cumhûriyeti kavânîn ve nizâmât-ı