HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3302 âliye ve müstakbelesine tamâmıyla tevfîk-i hareket edeceğini taʻahhüd eder. Başvekâlet-i Celîle Kalem-i Mahsûs Evâmir ve Mukarrerât Kalemi Başkitâbeti'nden musaddak mukâvelenâme ile mukâbele edilmişdir. Maʻâdin Müdüriyet-i Umûmiyesi Mümeyyizi Necati İşbu mukâvelenâmenin 26 Kânûn-ı Evvel [1]926 târîhinde karâr-ı âlîye iktirân eylediği İcrâ Vekîlleri Heyʼeti Riyâset-i Celîlesi'nin 5 Kânûn-ı Sânî [1]927 târîhli ve 6/95 numaralı tezkeresiyle teblîğ buyurulmuşdur. 12 Şubat [1]927 Ticâret Vekâleti Maʻâdin Müdüriyet-i Umûmiyesi Hilâl-i Ahmer Cemʻiyeti Merkez-i Umûmîsi Reîsi Doktor Refik Ticâret Vekîli Mustafa Rahmi _______________ ALAŞEHİR SARIKIZ MAʻDEN SUYU'NUN ŞARTNÂMESİ Birinci Fasıl Mültezimin Vezâif-i Umûmiyesi Mâdde 1- … târîhli karârnâme ve hudûd-ı muʻayyene ile ihâle olunan Saruhan vilâyetinin Ala- şehir kazâsında Sarıkız nâmıyla maʻrûf maʻden suyu imtiyâzı, karârnâme-i mezkûra merbût işbu şartnâme ahkâmına tâbiʻ olmak ve hükûmetle müştereken idâre edilmek üzere Türkiye Hilâl-i Ahmer Cemʻiyeti'ne ihâle olunmuşdur. [249] Sâhib-i imtiyâzın ikâmetgâh-ı kânûnîsi maʻdenin bulunduğu vilâyet dâhilinde olmak üze- re bir müdür-i mesʼûl irâʼe ve mûmâileyhin tebdîli takdîrinde maʻdenin bulunduğu vilâyet vâlîsini ve Ticâret Vekâleti'ni bir arzuhâl ile haberdâr etmeğe mecbûrdur. Mâdde 2- Mültezim işbu şartnâmenin beşinci mâddesi mûcebince müddet-i imtiyâziyenin hitâ- mında meccânen devlete rücûʻ edecek olan ebniye ve maʻdenin muhâfazasına lâzım olan şeyleri tamâmen uhde-i tasarrufunda bulunduracak ve hüsn-i hâlde muhâfaza eyleyecekdir. Mültezim maʻ- denin iʻmâli için muktezî olan arâzî-i milliyeyi bilâ-bedel işgâl ve ashâbı uhdesinde bulunan arâzîyi usûlüne tevfîkan satın almakda, istîcâr etmekde veyâhûd muvakkaten işgâl eylemekde muhtârdır. Mültezimin akdedecği kâffe-i îcâr ve istîcâr veya kudret-i elektrikiye vesâir mukâvelenâmeleri maʻ- den terk olunduğu veyâhûd ihâle fesh edildiği veya müddet-i ihâle münkazî olduğu takdîrde devletin mültezim makâmına kâim olacağı kayd-ı mahsûsunu ihtivâ edecekdir. İşbu mâddenin tatbîkinden do- layı Maʻâdin İdâresi'yle mültezim beyninde ihtilâf zuhûrunda işbu şartnâmenin yirmi altıncı mâddesi mûcebince hareket olunacakdır.