HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3303 İkinci Fasıl İhâle Müddeti – Maʻdenin İnkızâsı – Maʻdenin Terki – İhâlenin Feshi Mâdde 3- İhâle müddeti, işbu şartnâmeye tevfîkan ihâleyi âmir bulunan karârnâmenin neşir ve iʻlânını taʻkîb eden senenin Kânûn-ı Sânî ibtidâsından iʻtibâren altmış senedir. Mâdde 4- Müddet-i ihâlenin inkızâsından lâ-ekal yirmi beş sene mukaddem mültezimin talebi ve Maʻâdin İdâresi'nin teklîfi üzerine vekâlet, ihâlenin temdîdi lâzım gelip gelmeyeceği hakkında bir karâr ittihâz edecek ve temdîdine karâr verdiği hâlde keyfiyeti resmen mültezime teblîğ edecekdir. Bu sûretle bir karâr teblîğ edilmediği takdîrde ihâle mâdde-i sâbıkada taʻyîn olunan müddetin inkızâ- sında hitâm bulacakdır. Mâdde 5- Mültezim icrâ edeceği teʼsîsât-ı ibtidâiye ameliyât masârıfını kaydetmek üzere bir hesâb-ı mahsûs küşâd edecekdir. Mültezim her sene Mart ibtidâsından evvel ertesi sene içinde masâ- rıfı hesâb-ı mahsûsa geçirilmek üzere icrâsını tasavvur etdiği teʼsîsât-ı ibtidâiye ameliyâtını masârıf-ı melhûza-i muhammenesiyle mübeyyin bir projeyi hükûmet maʻden mühendisine verecekdir. Proje Mart ibtidâsına kadar yetiştirilemediği takdîrde hükûmet maʻden mühendisi mültezime bir mühlet iʻtâ edebilir. Hükûmet maʻden mühendisi ameliyât-ı mutasavverenin ne dereceye kadar teʼsîsât-ı ib- tidâiyeden addedilebileceği ve maʻdenin iʻmâlât-ı müstakbelesine nâfiʻ olup olmayacağı hakkındaki mütâlaʻanâmesini, projenin iʻtâsı târîhinden iʻtibâren üç ay zarfında evrâk-ı âidesiyle berâber Maʻâ- din İdâresi'ne gönderecek ve Maʻâdin İdâresi dahi ameliyât-ı mutasavvere masârıfının kısmen veya tamâmen hesâb-ı mahsûsa geçirilmesi hakkında ittihâz-ı karâr ile netîcesini evrâkın vürûdu târîhin- den iʻtibâren iki ay zarfında mültezime bildirecekdir. Maʻâdin İdâresi'nin karârı projenin hükûmet maʻden mühendisine iʻtâsı târîhinden dokuz ay zarfında mültezime teblîğ edilmediği takdîrde mültezimin teklîf eylediği masârıfın tamâmen hesâb-ı mahsûsa geçirilmesi tasvîb edilmiş add ü iʻtibâr olunacakdır. Her sene Mart ayı zarfında bir sene evvelki [250] hesâb-ı mahsûs hükûmet maʻden mühendisine iʻtâ olunacak ve hükûmet mühendisi masârıfın sıhhatini tedkîke, hesâb-ı mahsûsa geçirilmesi kabûl olunan ameliyâta âid olduğunu tahkîke ve lede'l-îcâb tashîhât-ı lâzımenin icrâsını emre salâhiyetdâr olacakdır. Bu sûretle kabûl olunan masârıf ameliyâtın icrâsını taʻkîb eden senenin Kânûn-ı Sânîsi ibti- dâsında hesâb-ı mahsûsa geçirilmiş add ü iʻtibâr olunacakdır. Müddet-i ihâlenin inkızâsında henüz bu sûretle imhâ edilmemiş olan mebâliğ yekûnu on birinci mâddede beyân olunan hesâbın tesviyesinde nazar-ı iʻtibâra alınmak üzere hükûmete zimmet kaydedilecekdir. İşbu hesâb mültezimin matlûbâtıyla netîcelendiği takdîrde hükûmetin medyûn olduğu mebâliğ ihâle müddetinin inkızâsından iʻtibâren on iki ay zarfında mültezime teʼdiye olunacakdır. İşbu hesâb-ı katʻîden sonra güzerân olan müddet için fâiz-i nizâmî yürütülecekdir. İşbu mâddenin tatbîkinden do- layı Maʻâdin İdâresi ile mültezim beyninde ihtilâf zuhûrunda yirmi altıncı mâdde mûcebince hareket olunacakdır. Mâdde 6- Mültezim bu ameliyâtın icrâsı için pazarlık sûretiyle akdedeceği mübâyaʻât ve be- del-i maktûʻ mukâbilinde iʻmâlât mukâvelenâmeleri müsveddelerini hükûmet maʻden mühendisine tevdîʻ edecek ve işbu müsveddeler mühendis tarafından tasdîk edilmedikçe akd-i mukâvele etmeye- cekdir. Mültezim icrâ edeceği ameliyâtdan dolayı dahi maʻâdin kavânîn ve nizâmâtına riʻâyet husû- sunda mesʼûl olacakdır.