HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3310 [256] Kongre riyâsetinden Büyük Millet Meclis Reîsi Kâzım Paşa hazretlerine çekilen telgrafa cevâbdır: Senelik ictimâʻını akdeden İstanbul Hilâl-i Ahmer Meclis-i Umûmîsi'nin hakkımda ızhâr eyle- diği samîmî hissiyâta teşekkür ederim, efendim. Türkiye Büyük Millet Meclisi Reîsi Kâzım C. Meclis-i umûmîce ızhâr buyurulan hissiyâta teşekkür eder ve muvaffakiyetler dilerim, efendim. Başvekîl İsmet _______________ C. Teşekkür ve bi'l-mukâbele hürmet-i mahsûsamızın kongre heyʼet-i muhteremesine iblâğını ricâ ve muvaffakiyetler temennî ederim, efendim. Hilâl-i Ahmer Reîsi ve Sıhhiye Vekîli Refik _______________ İzmir'den telgraf, 21 Şubat [1]927 Ankara'da Hilâl-i Ahmer Merkez-i Umûmîsi Reîsi Konya Mebʻûsu Refik Beyefendi'ye, Bugün vilâyet salonunda ictimâʻ eden Hilâl-i Ahmer kongresi lâyık olan parlak netîcelere vâsıl olmuşdur. Bu sene merkez ve mülhakâtıyla berâber vilâyetimizde yirmi bin aʻzâ kaydının imkânı tesbît olundu. Teşkîlâtı köylere kadar tevsîʻ edilecek ve vilâyetin altı yüz elli adede bâliğ olan bütün köylerine İzmir'den sûret-i mahsûsada yeknesak olarak iʻmâl etdirilecek Hilâl-i Ahmer sandıkları köy ihtiyâr heyʼetlerinin ve köy muʻallimlerinin irşâd ve murâkabesine tevdîʻ olunacak ve bu sûretle köylülerin sîne-i hamiyetinde dahi Hilâl-i Ahmer'imizin vatan-şümûl âsâr ve hidemât-ı meşkûresi lâ- yık olan kadir-şinâslığı bulacakdır. Düşünülen bazı vâridât ile köy teşkîlâtı sâyesinde vilâyetin Hilâl-i Ahmer vâridâtının seksen ilâ yüz bin liraya kadar yükselmesi meʼmûldür. Kongrede hükûmet-i Cum- hûriyemizin ve büyük müncîmiz Reîsicumhûr Gâzî hazretlerinin her yerde olduğu gibi Hilâl-i Ahmer karşısında dahi ibzâl buyurdukları teşvik ve himâye-i celîleleri tebcil olunmuşdur. İzmir Hilâl-i Ahmer Kongresi Reîsi Vâlî Kâzım ***