HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3314 Büdcenin Taʻdîli Heyʼet-i merkeziyenizin ilk işi Beyoğlu, Üsküdar ve Çatalca'nın ilhâkıyla vâridât menbaʻları çoğalmak ve masârıfı da artmak [260] lâzım gelen büdceyi yeni mülhak teşkîlâtın büdcelerinde görü- len rakamlara istinâd ve mümkün olduğu kadar hayâlî olmakdan ictinâb ederek taʻdîl ve tashîh etmek oldu. Çünkü fevkalâde kongre yeni vazʻiyetin îcâb etdiği bu taʻdîli yapmamışdı. Taʻdîlât-ı mezkûre merkez-i umûmîmizin de tasdîkine iktirân etdirildi. Teşkîlât Bu geniş İstanbul merkezi mıntıkası dâhilinde Hilâl-i Ahmer teşkîlâtını tanzîm ve itmâm işi hem tedkîke hem de uzunca bir himmete mütevakkıfdı. Merkez heyʼetinizin ikinci meşgalesi bu oldu. 1926 Kânûn-ı Sânî'sinde merkezimize merbût İstanbul teşkîlâtı Bakırköy kazâ şuʻbesiyle İstanbul dâhilinde on yedi nâhiye şuʻbesinden ibâretdi. Adalar kazâ şuʻbesi ancak 15 Mayıs târîhinde teşekkül etdi. Muahharan meclis-i umûmî karârıyla Beyoğlu, Üsküdar ve Çatalca mıntıkaları teşkîlâtı da mer- kezimize iltihâk etdi. Bu mıntıkalardaki teşkîlât, nokta-i nazarımızca kısmen tebdîle ve ekser kısım- larda ikmâle muhtâcdı. Heyʼet-i merkeziyeniz bütün İstanbul vilâyeti hudûdu dâhilindeki sâhalarda Hilâl-i Ahmer'in faʻâliyet ve inkişâfını ve muʻâmelâtın, merkezin murâkabesi altında en sâlim şekilde cereyânını teʼmîn edecek esbâbı aradı. Bunun için teşkîlâtın o sûretle tanzîmi lâzımdı ki, her kazâ şuʻbesi mâhiyetinde olan teşekkül kendi mıntıkası içinde mevcûd tâlî şuʻbeler umûruyla ve olmayan yerlerde yenilerinin teşkîliyle meşgûl olabilsin ve merkezle irtibâtı kolay olsun. İlhâk esnâsında vazʻiyet şu idi: 1-Üsküdar vilâyet merkezi Vilâyet merkezine tâbiʻ Üsküdar ve Kadıköy kazâ şuʻbeleri. Bunlardan Üsküdar kazâ şuʻbesine tâbiʻ Doğancılar, İskele, Yenimahalle, Kısıklı, Nahiye şuʻ- beleri vardı. Boğaziçi'nin diğer Anadolu sâhili doğrudan doğruya merkez-i umûmîye tâbiʻ idi. Kadı- köy kazâ şuʻbesi istiʻfâ sûretiyle muʻattal olup buna tâbiʻ İskele, Yel değirmeni, Kızıltoprak, Eren- köy, Bostancı nâhiye ve mahalle şuʻbeleri vardı. Kartal ise eskiden mevcûd Kadıköy Hilâl-i Ahmer Şuʻbesi'ne tâbiʻ cemʻ-i iʻâne heyʼeti hâlini muhâfaza ediyordu. Üsküdar vilâyet merkezinin makarrı Kadıköy şuʻbesiydi. 2-Beyoğlu vilâyet merkezi Vilâyet merkezine tâbiʻ Şişli, Taksim, Kalyoncu, Galata, Kasımpaşa, Fındıklı, Beşiktaş, Arna- vudköy, Yeniköy, Büyükdere şuʻbeleri. Bu şuʻbelerin her biri sekizer aʻzâlı olup birer kazâ şuʻbesi mâhiyetinde idi. Çok kalabalık bazı yerler ise ya meselâ Ortaköy gibi üç aʻzâlı mahalle heyʼetleri ile idâre olunuyor veya teşkîlâtdan mahrûm bulunuyordu. 3-Çatalca vilâyet merkezi Yalnız vilâyet merkezi müteşekkil olup Büyükçekmece'de vaktiyle teessüs etmiş olan şuʻbe taʻtîl-i faʻâliyet etmiş ve diğer yerlerde ise hiç şuʻbe teşekkül etmemişdi.