HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3316 Silivri şuʻbesi Teşrîn-i Evvel 1926'da, Büyükçekmece şuʻbesi Teşrîn-i Sânî 1926'da teşekkül etdi. Bir kazâ şuʻbesinin mevcûd ve faʻâl bulunduğu sâha dâhilinde ayrıca bir nâhiye şuʻbesinin de bulunması lüzumsuz ve masraflı bir ikilik teşkîl etdiği tecrübemizle sâbit olduğundan Beyoğlu kazâ şuʻbesine merbût Kalyoncu ve Üsküdar kazâ şuʻbesine merbût Doğancılar ve Bakırköy kazâsına merbût Bakırköy ve Kadıköy kazâ şuʻbesine merbût İskele nâhiye şuʻbelerini ilgâ ve bu son kazâ şuʻ- besinden gösterilen lüzûm üzerine oraya merbût Kızıltoprak ve Erenköy nâhiye şuʻbelerini mahalle şuʻbesine ifrâğ husûslarına muahharan karâr vererek merkez-i umûmîmizin de tasvîbini istihsâl ve yeni sene zarfında tatbîk etdik. Bu sûretle bugün teşkîlâtımız on dört kazâ şuʻbesiyle bunlara merbût otuz bir ve doğrudan doğ- ruya merkeze merbût on yedi ki, cemʻan kırk sekiz nâhiye şuʻbesinden mürekkeb olup bunlardan on üç kazâ ve otuz yedi nâhiye şuʻbesiyle fiʻlen müteşekkildir. Bu şuʻbelerin kâmilen bizim temenniyâtımıza ve kendilerinin şübhe etmediğimiz hüsn-i niyet- lerine uygun bir şekilde ibrâz-ı faʻâliyet etdiklerini söyleyebilmeği çok arzu ederdik. Fakat maʻatte- essüf bazı şuʻbelerimiz bu faʻâliyetin asgarî haddinde kalmışlardır. Bu hâlin yeni sene zarfında te- beddülü için gerek tahrîri ve gerek şifâhî îkâzlarımızla idâre heyʼetleri ve mahallî kongreler üzerinde müessir olmağa elimizden geldiği kadar çalışdık. Taʻlîmât Hilâl-i Ahmer Cemʻiyeti'nin nizâmnâme-i esâsîsinden ve muhâsebe işlerine âid taʻlîmâtnâme- sinden başka husûsât-ı idâriyede rehber olacak dâhilî taʻlîmâtnâmesi yokdur. Bilhâssa İstanbul mer- kezi gibi geniş teşkîlâtlı yerlerde bunun lüzûmu şiddetle hissedilmekdedir. Biz bu ihtiyâcı izâleye doğru atılmış adımlar mâhiyetinde olmak üzere aʻzâ kayıd muʻâmelâtı ve murâkabe usûlü hakkında birer taʻlîmâtnâme vücûda getirdiğimiz gibi ilk mekteblerdeki aç çocukları iʻâşe işi için de ayrıca bir taʻlîmâtnâme yapdık. Bunlar şuʻbelerimize taʻmîm edilmişdir ve bu raporun zeylinde matbûʻdur (sahife 18). Bunları Hilâl-i Ahmer'in bütün faʻâliyetlerinde riʻâyet edilecek husûsâtı gösterir diğer taʻlîmâtnâmelerle ikmâl ederek bir nizâmnâme-i dâhilî vücûda getirmek programımızın sene zarfında taʻkîb edilmesi şâyân-ı arzudur. Bu dâhilî nizâmnâme vücûda geldiği zamân merkez-i umûmîce de tedkîk ve ıslâh olunarak belki bütün merkezlere teşmîl edilmek ihtimâli ve fâidesi hâsıl olacakdır. Aʻzâ Teksîri Öteden beri İstanbul'da Hilâl-i Ahmer aʻzâ mikdârının günden güne çoğalmasını ve aʻzâ kayıd- larının muntazam bir hâle girmesini şiddetle arzu ve bu emelimizi şuʻbelerimize teblîğ etmekde idik. Buna rağmen bu sene zarfında İstanbul'da Hilâl-i Ahmer aʻzâ mevcûdu ümîd etdiğimiz, hattâ şuʻbe- lerimizin taʻahhüd etdiği mikdârı bulmamışdır. Mükerrer ricâlarımıza rağmen her şuʻbe aʻzâ kayıd listelerini tamâmen doldurup göndermemişlerdir. Şimdiye kadar gönderilen listelere nazaran mukay- yed aʻzâ adedi ancak dört bin küsurdur. İʻtirâf edelim ki, [263] bu rakam İstanbul vilâyeti nüfûsunun kesâfetine kıyâsen hiç mesâbesindedir. İşâret parmağı bize dâimâ halâs ve iʻtilâyı gösteren muhterem reîsicumhûrumuzun Büyük Mil- let Meclisi'nin açılma günündeki nutuklarında beyân buyurdukları vechile Hilâl-i Ahmer aʻzâ mikdâ- rını milletin rüşd-i ictimâʻîsini isbât edecek bir hadde çıkarmak, vatanî ve insânî bir vazîfedir. Bu kıymetli beyânâtı bütün şuʻbelerimize taʻmîm ederken teblîgât-ı mükerreremizi yeniden