HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3317 teʼkîd etdik. Harbde mukaddes vatan müdâfiʻlerinin yaralarını sarıcı, hastalıklarını tedâvî edici, sul- hda zavallı insânları nişân alan bütün yer ve gök âfetlerinin doğurduğu felâketlere dermân götürücü cânsiper bir anne eli olan Hilâl-i Ahmer'e millî alâkayı uyandırmak, başka medenî memleketlerde olduğu gibi memleketimizde de Hilâl-i Ahmer aʻzâlarının adedini milyon hânesine çıkarmak, vatan- dâşlarımıza bütün fâni ve cismânî zevkleri hiçbiriyle kıyâs edilemeyecek kadar yüksek zevki, baş- kalarının elemini kendi rûhunda duymak ve fedâkâr bir diğergâmlıkla derde devâ ve âcizlere yardım götürmek zevkini aşılamak sûretiyle beynelmilel hayır ve şefkati temsîl eden Hilâl-i Ahmer akîdele- rini taʻmîm etmek husûsunda şuʻbelerimizin bu sene daha fazla gayret göstereceklerine emniyetimizi takviye eden delâil eksik değildir. Yardım İşleri Geçen sene zarfında yapdığımız başlıca yardımlar: 1-İlk mekteblerdeki muhtâc çocukları iʻâşe, 2-Fakîr veremlilere ilâc, gıdâ ve fanila tevzîʻi, 3-Maltepe büyük yangınında musâb olanlara yapılan yiyecek, giyecek ve eşyâ tevzîʻiyle diğer birkaç harîkzedeye küçük yardımlar, 4-Muhâcirîn iʻâşesi ve sevki, 5-Maʻlûllere sunʻî ayak ve koltuk değneği iʻmâli ve bazı rikkat ve merhameti câlib ahvâlde yapılan müteferrik küçük muʻâvenetlerdir. 1) İlk Mekteblerdeki Muhtâc Çocukları İʻâşe Nizâmnâme-i esâsîmizin on yedinci mâddesi sulh zamânındaki hizmetlerimizi tasrîh etmekde- dir. Çocuk ölümlerine karşı mücâdeleye yardım bu hizmetlerdendir. İlk mekteblerde devâm eden çocuklar arasında mühim bir kısmın öğleyin hiç gıdâ alamayarak sefâlet-i uzviyeye dûçâr olduğu mürebbîlerimiz ve hekîmlerimiz tarafından müşâhede olunarak âid olduğu makâmların nazar-ı dikkati celb olunmuş ve geçen sene bir komisyon teşkîliyle bu yavruların iʻâşesini teʼmîne çâre düşünülmüşdü. O zamân bu teşebbüsün semeredâr olmadığını gören geçen se- neki heyʼet-i merkeziyeniz, istitâʻat-ı mâliyemiz derecesinde bu hayırlı hizmeti îfâ edebilmek üzere büdceye üç bin lira tahsîsât koymuş ve meclis-i umûmînin kabûlü üzerine bu tahsîsât dâiresinde iʻâşe işine başlanmışdı. İlk mekteblerimizin talebe adedine (Son tedkîke göre resmî ilk tahsîl mekteble- rinde talebe mevcûdu: İstanbul 11.543, Üsküdar 6.650, Beyoğlu 7.119; cemʻan 25.313) ve bunların içinde gıdâ alamayan mikdâra nazaran bu tahsîsâtın nâ-kâfi olduğu âşikârdı. Ancak Ankara'da Hilâl-i Ahmer Meclis-i Umûmîsi'nin arz etdiğimiz metâlib arasında bu emr-i hayr için hâricden teberruʻ olunan paraların emânet hesâbına alınarak yalnız yüzde kırkının değil, tamâmen sarfı husûsunun da kabûlü bu güzel teşebbüsü idâme ve tevsîʻ etmemize müsâʻade-bahş oldu. Bu dereceye mevzûʻ tah- sîsâta sene sonuna kadar zîrdeki cedvelde [264] musarrah teberruʻât ve tahsîsât inzimâm etdi. Yarınki nesli kurtarmak için açılan bu mücâdelede bize zahîr olan resmî ve gayr-ı resmî müesseselere ve hamiyetli ferdlere en sıcak minnetdârlıklarımızı takdîm ederiz.