HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3318 Harrison Çorap Makineleri Acentesi, Celâl Bey tarafından kurbân bedeli olarak 3.000 Merhûm İzmirli Şükrüzâde Tevfik Paşa tarafından 10.000 Mösyö Badetti tarafından 10.000 Şehremâneti meʼmûrları tarafından. Maʻâş zamlarının bir aylık bâliği olarak 486.961 Şehremâneti'nden. Büdceye mevzûʻ tahsîsât 1.200.000 Amerikalı Matmazel Sertrud tarafından 9.876 Operatör Kemal Bey tarafından 2.000 Bankaya mevdûʻ paranın fâizi 3.352 1.725.189 Bu mikdâra yeni sene zarfında meclis-i umûmî-i vilâyet ile İstanbul Ticâret ve Sanâyiʻ Odası tarafından verilen 5.000 + 2.000 cemʻan yedi bin lira tahsîsât munzam olmuşdur. Son zamânlarda Maʻârif Vekâleti'nin emr u işʻârıyla teşekkül eden komisyon teşebbüs etdiği- miz bu işin tevsîʻi çârelerini de düşünmekde ve bu komisyon ictimâʻlarında heyʼet-i merkeziyeniz bizzât reîsiyle temsîl edilmekdedir. İʻâşe işine evvelâ 23 Şubat'da ve 400 çocukla başladık. 27 Nisan'da bu mikdârı 826'ya iblâğ etdik ve bu mikdâr üzerinden iʻâşe taʻtîl fâsılasına kadar devâm etdi. Yeni ders senesi ibtidâsında faʻâliyetimize daha geniş mikyâsda başlamak üzere tertîbât aldık. Eski ve yeni iʻâşe hesâblarıyla yeni sene zarfında doğrudan doğruya merkezimizden iʻâşe olunan ve âid olduğu şeylere iʻâşeye başlanma- sı bildirilen çocuklar mikdârları ve mebdeʼ-i târîhleri musarrahdır. Görülüyor ki, bugün iʻâşe edilen talebe mikdârı beş bine yakındır. Şehir halkının bu hayâtî mesʼeleye göstereceği alâka ile mütenâsib olarak faʻâliyetimizi her gün daha çok artırmak imkânını bulacağımızı ümîd etmekdeyiz. 2) Fakîr Veremlilere Yardım Büdcemizde mevzûʻ bin lira tahsîsâtı muʻayyen ve siyyân bir nisbet dâiresinde en fâideli sû- retde kullanabilmek için verem dispanseri tabâbetinden verilecek vesîkalarla mürâcaʻat eden muhtâc veremlilere ilâc, gıdâ ve fanila tevzîʻini tensîb etdik. İlk mürâcaʻat târîhi olan 27 Eylül târîhinden sene sonuna kadar yedi veremlinin bu sûretle iʻâşesini teʼmîn etdik. İʻâşe tertîbi yevmiye yüz dirhem et ve iki yumurtadır. Bu hastalara tevzîʻ olunmak üzere mübâyaʻa etdiğimiz iki yüz kilo balıkyağından dağıtdık ve hepsine birer kışlık fanila aldık. Ayrıca bir veremli kıza sunʻî ayak yapdırdık. 3) Maltepe Yangın Musâblarına Yardım Maltepe'de Teşrîn-i Evvel'de zuhûr eden yangında yüz iki ev yanmış, yarısı muhâcir olan köy halkı büyük bir felâket içinde kalmışdı. Mevcûd âcil yardımlar tahsîsâtı bakıyyesi bu âfetzedelere imdâda kâfi olmadığından bir tarafdan merkez-i umûmîmizden beş yüz lira tahsîsât ve lüzûmu kadar eşyâ istedik, bir tarafdan hemen ekmek tevzîʻâtına başladık. Aşağıki cedvelde ekmek tevzîʻât mikdâr ve târîhleri ve dağıtılan eşyâ mikdârı musarrahdır: Şilte 55 Yorgan 55