HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3321 himâyesi için tertîb olunan piyango muʻâmelâtı 1926 senesi zarfında cereyân etdiği hâlde keşîdenin 1 Kânûn-ı Evvel'den başlayarak bir hafta ve piyango numaralarının neşir ve tasnîfi işinin de bir hafta devâmı ve müteʻâkiben mürâcaʻat eden kazanmış numara sâhiblerine tevzîʻât başlayarak netîcelen- meden Sanʻatevi'ne kalacak eşyâyı az zamânda tesbît etmenin müşkilâtı Kânûn-ı Evvel gâyesinde ayrıca senelik bilanço yapılmasına ve bu sûretle hakîkî vazʻiyet-i mâliyenin daha vâzıh sûretde anla- şılmasına mâniʻ oldu. Bununla berâber bu piyangonun bir temettuʻ teʼmîn etdiği muhakkakdır. [267] Sanʻatevi'nin işgâl etdiği dâirenin bedel-i îcârının merkez-i umûmîmizce tesviyesi evvel- ce kabûl edilmiş olduğu için merkez-i umûmîye olan Sanʻatevi hesâbından bu mikdârı mahsûb etdik. Bu sûretle Sanʻatevi'nin kirâ bedelinden gördüğü yardıma emtiʻa ve piyangodan mütevellid kârı ve bilhâssa raporumuzu tanzîm etdiğimiz târîhe kadar altı seyyâh raporundaki sergilerde bin iki yüz lira- yı mütecâviz emtiʻanın satılmış olmasını ve vapurların teʻâkubu sûretiyle satışların devâmını ve diğer tedâbîr ile teʼmîn olunacak revâcı ilâve ederek bu sene zarfında iyi netîceler elde edeceğimize ve bu sûretle ekseri şehîd ve muhâcir âilesi olmak üzere yüze yakın dul kadın ve çocukların hayâtlarını nâmûslu bir saʻy ile kazanmalarını teʼmîn edeceğine iʻtimâdımızı takviye etmekdeyiz. Hilâl-i Ahmer Sanʻatevi Müessesesi, heyʼet-i merkeziyeniz tarafından müntehab bir komisyon maʻrifetiyle idâre edilmekdedir. Vâridât ve masârıfını ayrı ve mülhak bir büdce hâlinde tesbît etmeğe muvâfık gördük. Muham- men büdcesi nazar-ı tedkîk ve tasvîbinize arz edilmişdir. Geçen Sene Büdce Tahakkukâtı Geçen sene büdcemize vazʻ etdiğimiz vâridât mâddelerinden yalnız ikisi müstesnâ olmak üzere diğerlerinin fazlasıyla tahakkuk etdiğini takdîm etdiğimiz cedvel göstermekdedir. Aʻzâ taʻahhüdâtı olarak muhammen mikdârın tahakkuk etmekden çok uzak kalışı yukarıda târîhleriyle arz etdiğimiz gibi şuʻbeler teşekküllerinin gayr-ı ihtiyârî teehhurundan ve Beyoğlu ve Üsküdar ve Çatalca merkez ve şuʻbelerinin Temmuz'a kadar vâridâtlarını -ki senenin ilk ayları olmak iʻtibârıyla taʻahhüdâtın cibâyeti zamânıdır- merkez-i umûmîye göndermelerinden, nihâyet bazı şuʻbelerin bu işlere lüzûmu kadar faʻâliyet sarf etmeyişinden neşʼet etmişdir. Müsâmereler hâsılâtının üç bin küsûr lira eksik ta- hakkuku ise Ada balosunda oyun oynanılmasının menʻi, bazı şuʻbelerce tertîb olunan müsâmereler masârıfının yüzde elli-altmış gibi gayr-ı kâbil-i tecvîz bir nisbetde fazla olması gibi sebeblerdendir. Aksi hâlde hâsılât tahmînimizi tecâvüz edecekdi. Heyʼet-i merkeziyeniz müsâmerelerin mikdârının tenkîsı, sâniyen tedkîkine iktirân etmeden adem-i tertîbi ve sarfiyâtın katʻiyen hâsılâtın yüzde otuzu- nu tecâvüz etmemesi gibi esâsları tesbît etdiği cihetle bu sene istihsâl edilecek netâyicin rüchânına emîn olabiliriz. Bu bahsi kapamadan büdcedeki teberruʻât hânesi yekûnuna mahsûs bir fazlalık teʼmîn eden üç bin yüz liralık teberruʻuyla Hilâl-i Ahmer'e senenin en büyük yardımını yapan Sovyet Şûrâlar Cum- hûriyeti Ankara Sefâreti Müsteşârı Yoldâş Potemkin'e en derîn teşekkürlerimizi huzûrunuzda tekrâr etmek isteriz. Yeni Büdce Geçen seneki büdceye âid bu îzâhâtdan sonra bu seneki büdcemizi nazar-ı tasvîbinize arz edi- yoruz. Vâridât kısmındaki tahmînât şuʻbeler kongrelerinin ayrı ayrı tedkîk edilen büdcelerine istinâd