HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3322 etmekdedir ve tahakkuk etmesi şuʻbelerimizin himmet-i mahsûsasına bağlıdır. Burada hâzır bulunan şuʻbelerimiz aʻzâ-yı faʻâlesinin bu himmeti esirgemeyeceklerine emîniz. Umûmî hayır işlerinin en âlî ve şâmili olan Hilâl-i Ahmer'e hizmeti taʻahhüd gibi büyük bir fazîlet ibrâz eden bu zâtların yüksek vicdânlarının [268] bu taʻahhüdü ihmâl ve terâhî ile ödemeği hiçbir vechile tecvîz etmeyeceğine ve bu sâyede gelecek sene huzûrunuza muvaffak ve memnûn bir sîmâ ile çıkacağımıza itmiʼnânımız vardır. Masârıf kısmında ilk mekteblerdeki muhtâc çocuklara ve fakîr veremlilere yardım mâddelerini aynen bırakdık. Çünkü birincisi için büdcemize mevzûʻ para hâricinde nasıl menâbiʻ-i vâridât bu- lunduğunu ve bu hayırlı işin kesb etdiği ittisâʻı yukarıda arz etmişdik. İkincisine ise bu paranın kâfi geleceğini zannediyoruz. Gayr-ı melhuz ve âcil yardımlar mâddesinde bin lira geçen sene yetişmeyip tezyîdine lüzûm hâsıl olduğu için bu sene bu mâddeye dört yüz lira zammetdik. Masârıf-ı idârenin müfredâtı gözden geçirilirse çok görülmeyeceğine emîniz. Muhâsebe ve idâre işlerimizi muntazam tedvîr etmek için asgarî teşkîlâta mâlikiz. Bu teşkîlât ile bu netîcenin is- tihsâlini meʼmûrlarımızın gayretine medyûnuz. Muhâsebemiz usûl-i muzâʻafeye kalb edilmişdir ve bir intizâm-ı tâm hâlindedir. Elliyi mütecâviz şuʻbelerimizle muhâbere-i dâimediyiz. İstanbul'da ol- mak iʻtibârıyla merkez-i umûmîmizin muzî işlerini görmekdeyiz. Bundan başka çocukların iʻâşesi ve Sanʻatevi işleri gibi umûr-ı munzamma da vardır. Bütün bunlar nazar-ı iʻtibâra alınırsa masârıf-ı idâriyemizi istiksâra imkân yokdur. Öteden beri merkez-i umûmî meʼmûrlarının maʻâşlarıyla mütenâsib mikdârlarda sigorta etdiri- lerek taksîtlerinin yüzde altmışının merkez-i umûmî tarafından teʼdiyesi ve her sene bu meʼmûrlara meclis-i umûmî karârıyla ikrâmiye iʻtâsı bir teʻâmüldür. Heyʼet-i merkeziyeniz bu müsâʻadâtın mer- kez meʼmûrlarına ehliyet ve hizmetleri nisbetinde teşmîlini arz ve teklîf eder. Kayıd listelerinde tesbît edilen aʻzâ mikdârı dört bin küsûr olduğuna göre beş yüzde bir iʻti- bârıyla kongrede sekiz murahhasla temsîl edilmemiz iktizâ ediyor. Biz, bir fikr-i tasarrufla, bu mu- rahhasların ikisinin buradan iʻzâm ve dördünün Ankara'da bulunan zevâtdan intihâb olunabileceğini düşünerek bu dereceye yalnız iki murahhas harcırâh ve ikâmet masârıfı olarak üç yüz lira koyduk. Muhterem heyʼetinizin maʻrûzâtımızı tedkîk buyurup sâib reʼylerinizle bizi müstakbel mesâʻî- mizde tenvîr buyurmanıza intizâr ve nizâmnâme-i esâsîmizin sarâhatı dâiresinde âtîdeki husûsâtın takrîr ve intâcını ricâ ederiz: 1-Merkez heyʼetinden kurʻa ile çıkacak beş zâtın yerine geleceklerin intihâbı 2-Meclis-i umûmîde merkezimizi temsîl edecek murahhasların intihâbı 3-Hilâl-i Ahmer'e fevkalâde teberruʻda bulunan Yoldâş Potemkin'in takdîri hakkında merkezi- miz karârının tasvîbi 4-Büdcenin tasdîki ve meʼmûrlarımız hakkındaki teklîfimiz kabûl buyurulduğu takdîrde ona göre mâdde-i mahsûsasına tahsîsât-ı munzamma vazʻı Maʻrûzâtımıza hâtime olarak kıymetli mesâʻînize muvaffakiyet temennîsiyle muhterem heyʼe- tinizi selâmlarız. _______________