HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3323 [269] İzmir Hilâl-i Ahmer Merkezi Meclis-i Umûmîsi 20 Şubat [1]927 târîhinde inʻikâd eden Hilâl-i Ahmer Cemʻiyeti İzmir Merkezi ictimâʻ-ı umûmî- sinde kırâat olunan rapor Muhterem Beyler! Vazîfe-i hayriyemiz hakkındaki maʻlûmâtın arz u îzâhına mübâşeret etmezden evvel reîsicum- hûrumuz Gâzî Mustafa Kemal Paşa hazretlerinin geçen sene Büyük Millet Meclisi'nin küşâdında îrâd buyurdukları nutk-ı iftitâhîde Hilâl-i Ahmer Cemʻiyeti hakkındaki iltifât ve takdîrâtdan dolayı heyʼet-i merkeziyemiz cemʻiyetin faʻâl bir uzvu sıfatıyla minnet ü şükrânlarını ve bu husûsdaki ih- tisâsât ve taʻzîmâtını arz ve tekrâr eyler. Maʻlûm-ı âlîleridir ki, geçen seneki ictimâʻda heyʼet-i muhteremelerinin arîz u amîk icrâ kılı- nan tedkîkât ve müzâkerâtını müteʻâkib merkezimizin 1926 senesi büdcesi 94.890 lira vâridât ve kırk bin lira masraf olarak kabûl buyurulmuşdu. Heyʼetimiz, heyʼet-i muhteremelerinin ızhâr buyurdukları takdîrât ve iʻtimâdı idâme ve teʼyîd edebilmek için muvaffakiyâtından ümîdvâr olarak müteʻaddid müşkilâtı iktihâm ile çalışmış ve bu- gün mesâʻîsi netâyicini arz u îzâh eylemekle müftehir bulunmuşdur. Vâridât ve masârıfâtımızı mübeyyin hulâsa-i hesâbiyede gösterildiği vechile bir sene zarfında merkezimizce 51.418 lira 88 kuruş hâsılât teʼmîn edilmiş ve şuʻabâtdan gönderilen 9.055 lira 22 ku- ruş ile vâridâtımız 60.474 lira 10 kuruşa bâliğ olmuşdur. Bundan masârıf-ı idâremizle dispanserler masârıfâtına 38.141 lira 47 kuruş sarf edilerek sene ibtidâsına 7.210 lira 91 kuruş nakd-i mevcûd devredilmişdir. Vâridât-ı muhammene ile tahsîlât mikdârı arasında görülen fark büdcemize mevzûʻ kurbân derileri hâsılâtınn Tayyâre Cemʻiyeti tarafından toplatdırılmış olmasından ve diğer hâsılâtdan vukûʻu tahmîn olunan mikdârın tamâmen elde edilememesinden ve belediyece iʻtâsı taʻahhüd edilen beş bin ve meclis-i umûmî-i vilâyetçe teʼdiyesi takarrür eden iki bin liranın ve kezâlik Karşıyaka Belediye- si'nin iʻtâsını taʻahhüd etdiği mebâliğin verilmemesinden münbaʻisdir. Arz u îzâhdan müstağnî olduğu vechile memleketimizin geçirmekde olduğu buhrân-ı iktisâ- dî dolayısıyla sermâye ashâbı müteʻaddid husûsâtın taht-ı teʼsîrinde olarak kazançlarıyla ancak en mübrem ihtiyâclarını teʼmîn edebilmekde olmalarına binâen fazla bir kazanç husûlüne vâbeste olan cemʻiyât-ı hayriyeye muʻâvenet husûsâtından daha fazla ümîdvâr olunamayacağı şübhesizdir. Bu sebeble büdcemize dâhil mebâliği teʼmîn için heyʼet-i merkeziyemizin maʻrûz bulunduğu müşkilâtı heyʼet-i aliyyelerinin karârına arz ederiz. [270] Ahvâl-i maʻrûza hasebiyle bilâ-vâsıta iʻânât derci imkânsızlığına karşı nizâmnâme-i esâsînin tahmîl ve taʻyîn etdiği vezâifin karşılığını tedârük ve teʼmîn için senelerden beri birçok teşebbüsât ve teşvîkâta rağmen matlûb dereceye îsâline muvaffakiyet hâsıl olamayan aʻzâ adedinin teksîri zımnında şuʻabâtın da faʻâliyete getirilmesi için görülen lüzûm üzerine merkezimizde bir mü- fettişlik ihdâs edilmiş ve bu vazîfe ile tavzîf olunan zâtı şuʻabâta iʻzâm eylemişdik. Şimdiye kadar tedkîkât ve teftîşâtı ikmâl olunan şuʻbeler hâl-i intizâma ircâʻ edilerek az zamânda 3.317 lira irsâlâtda bulunmakla berâber senevî 3.269 lira taʻahhüdâtı mutazammın 1.355 aʻzâ kaydedilmiş ve Bornova, Alaçatı nâhiyeleriyle Bayındır'a tâbiʻ Falka karyesinde de müceddeden birer şuʻbe teşkîline muvaf- fakiyet hâsıl olmuşdur.