HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3324 Teşvîkât ve tergîbâtın gösterdiği bu muvaffakiyetin bu sene reîsicumhûr hazretlerinin nutk-ı iftitâhîlerinde de beyân ve işâret buyurulduğu vechile aʻzâ adedinin milletin rüşd-i ictimâʻîsi ile mü- tenâsib bir dereceye îsâli için daha bâriz bir şekilde çalışılması mukarrer ve muhterem halkımızın himâye ve muzâheretlerinden emîn olarak muvaffakiyetimizden ümîdvâr bulunmakdayız. Muhterem Beyler! Havâss-ı şifâiyesi maʻlûm ve mücerreb olduğu hâlde senelerden beri bîhûde akıp giden Alaşe- hir'de vâkiʻ Sarıkız Maʻden Suyu geçen seneki ictimâʻ-ı umûmîde heyʼet-i muhteremelerinin kabûlü- ne iktirân etdiği vechile cemʻiyet hesâbına işletilmek üzere devren istîcâr edilerek pek büyük fedâkâr- lıklarla faʻâliyete getirilmiş ve cemʻiyetimizin menâfiʻinden ziyâde istifâde-i umûmiyeyi teʼmîn için piyasaya arz olunan işbu maʻden suyu günden güne büyük bir rağbete mazhar olmakda bulunmuşdur. Hulâsa-i hesâbiyede görüleceği vechile merkezimiz bu suyun masârıf-ı teʼsîsiyesi, şişe vesâire gibi demirbaş eşyânın tedârükü için geçen sene 32.783 lira 14 kuruş sarfiyâtda bulunmuş ve hâsılât-ı umû- miyemizden merkez-i umûmîye de nakden on bin lira irsâlât yapılmışdır. Yardımlarımız Merkezin geçen sene fukarâ-yı halka en vâsiʻ yardımlarını İkiçeşmelik, Karşıyaka ve Tepekö- yü'ndeki muʻâyenehâneleri vâsıtasıyla yapmakla berâber mülhakâtda sıtmadan muztarib muhtâcîne kâfi mikdârda kinin tevzîʻ etmiş ve İzmir Öksüzler Yurdu'na da lüzûmu olan bazı mübrem eşyâyı tedârük ve teberruʻ etmek sûretiyle muʻâvenetini teşmîl eylemişdir. Muʻâyenehânelerimizde bir sene zarfında 33.679 hastanın muʻâyene ve tedâvîleri îfâ ve muʻâ- leceleri de verilerek idâme-i sıhhatleri teʼmîn olunmuşdur. Geçen sene Fethiye, Marmaris ve Köyceğiz havâlîsinde vukûʻa gelen hareket-i arzdan dolayı ikâmetgâhları harâb olarak açıkda kalan halkın terfîhi ve birer mesken tedârük edinceye kadar muhâ- faza-i sıhhatleri esbâbını ihzâr eylemek üzere merkez-i umûmînin emir ve tensîbiyle teşkîl olunan bir heyʼet-i mahsûsa merkez-i umûmîden gönderilen on bin ve merkezden tahsîs edilen beş bin ki, cemʻan on beş bin lira ile külliyetli mikdârda çadırı hâmilen mahallerine azîmet ederek açıkda bulu- nan felâketzedelerin ıztırâbları tehvîn edilmiş ve meskenleri harâb olanlara derecelerine göre nakden tevzîʻâtda bulunup ihtiyâclarını tatmînden sonra avdet eylemişdir. [271] Muhterem Beyler! Hilâl-i Ahmer merkezleri, nizâmnâme-i esâsîsinin 123'üncü mâddesi ahkâmına tevfikan vâri- dât-ı umûmiyenin yüzde kırkı derecesinde sarfiyât icrâsına meʼzûn olduklarından geçen seneki bü- dcemiz bu esâsa göre heyʼet-i muhteremelerinin kabûlüne ve merkez-i umûmînin tasdîkine iktirân etmişdi. Hâl şu ki, hulâsa-i hesâbiyede müfredâtı muharrer olduğu vechile geçen sene elde edilen 60.474 lira vâridâta mukâbil yüzde altmış üç derecesinde sarfiyâtda bulunulmuş olması ânifen arz olunduğu üzere büdcemize dâhil vâridâtdan bir kısmının merkezimizin mahsûbuna iktirân etdiril- memiş ve bir kısmının da tahsîl edilememiş ve her sene mevsim-i sayfda Hilâl-i Ahmer menfaʻatine tertîb olunan müsâmerenin geçen sene şehrimizde mevcûd muhtelif cemʻiyâtın müteʻaddid müsâme- reler vermiş olmaları hasebiyle cemʻiyetimizce icrâsına imkân kalmamış olmasından ileri gelmişdir. Bu sebeble farkının da merkez-i umûmîce teʼmîn-i mahsûbu zarûrî bulunduğunu arz ederiz. 1927 senesi için tanzîm olunan büdceyi nazar-ı tedkîk ve tasdîkinize arz ediyoruz. İşbu büdce iki kısım olup biri nizâmnâme-i esâsî ahkâmına tevfikan vâridât-ı muhammene ile masârıf-ı idâreyi,