HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3325 diğeri de imdâd ve muʻâvenet mevâddını teşkîl eden dispanserler idâresine karşılık vâridât mikdârıy- la masârıfâtını irâʼe eder. Birinci kısım büdcemize 50.000 lira vâridât ve 20.000 lira masrafı muhtevîdir. Merkezimiz öteden beri müsbet bir esâs dâiresinde vazîfe-i insâniyesini îfâ etmekde bulunmuş olduğundan elde edilebilmesi gayr-ı mümkin bir takım hayâlî erkâm ile büdce tanzimini muvâfık görmemiş ve ancak hakîkati olduğu gibi göstermek tarîkını iltizâm eylemişdir. Heyʼetimiz birçok müşkilâta rağmen vâridâtını tezyîd için çalışacak ise de senelerden beri temâdî eden ticaretimize istinâd ederek hâlen bu mikdârdan fazla para elde edilemeyeceği kanâʻa- tindeyiz. Maʻamâfîh bu nakdî noksânı cemʻiyete emlâk ve akâr teʼmîni sûretiyle telâfîye ve bilhâssa aʻzâ adedinin teksîrine hasr-ı mesâʻî eden heyʼetimiz bazı muvaffakiyâta mazhar olmuş ve âtiyen daha ziyâde inkişâf etdirilmesini bir gâye olarak kabûl etmişdir. Masârıfâtımıza gelince; asgarî masrafı ile aʻzamî menâfiʻi istihsâle çalışan heyʼetimiz, merke- zin vazʻiyet ve vezâifiyle mütenâsib olarak istihdâm eylediği meʼmûrlara esâsen ihtiyâcât-ı hâzıra ile kâbil-i kıyâs olmayacak derecede cüzʼî bir maʻâş vermekde olduğundan masârıf-ı idâre olarak büdce- ye mevzûʻ mikdâr hakîkî ve zarûrî olup bunun tenkîsine imkân görülememişdir. İmdâd ve muʻâvenete âid fevkalâde büdcemizde on dokuz bin lira vâridât ve aynı mikdâr mas- rafı muhtevîdir. Bu kısmın vâridâtı dispanserlerden alınan dühûliye hâsılâtıyla bu husûsda belediye ve idâre-i husûsiye büdcelerine mevzûʻ mikdârdan ibâret olup bu da dispanserler etıbbâ ve müs- tahdemîni maʻâşâtıyla muʻâlece ve masârıfât-ı müteferrikasına karşılık tutulmuşdur. İhtiyâc ile mü- tenâsib olan bu kısmın da senevî binlerce fakîr hastanın tedâvîsi karşılığı olmasına mebnî istiksâr edilmeyeceği bedîhîdir. Alaşehir Maʻden Suyu hâsılât ve sarfiyâtı doğrudan doğruya merkez-i umûmî nâm u hesâbına yapılmakda olduğundan merkezimiz büdcesiyle alâkadâr tutulmamışdır. Şu vazʻiyete göre heyʼet-i merkeziyenin büdcelere mevzûʻ vâridâtı teʼmîn ve cibâyet [272] edebilmek ve emr-i idâreyi kemâ fi's-sâbık hüsn-i tedvîr eylemek için fevkalâde mesâʻî ibrâzı zarûretinde bulunduğunu da heyʼet-i muhteremelerinin nazar-ı dikkatine arz ederiz. Heyʼet-i merkeziye her ne kadar daha fazla bir vâridât teʼmînine çalışmakdan geri durmaya- cak ise de teşebbüsâtıyla tâm bir muvaffakiyet teʼmînine imkân hâsıl olamadığı ve bu sebeble dâimî ve muʻayyen olan masraf, vâridâta nisbetle cüzʼî bir fark irâʼe etdiği takdîrde fazlasının merkez-i umûmîce mahsûbu temenniyâtında bulunulması için heyʼet-i muhteremelerince ittihâz-ı karâr buyu- rulmasını ricâ ederiz. Nizâmnâme mûcebince kurʻa ile ihrâc edilecek sülüs aʻzânın yerine yenilerinin ve geçen sene İstanbul'a nakl-i hâne etmiş olan aʻzâdan Karacaovalı Hacı Ali Efendi'nin yerine muvakkaten intihâb edilmiş olan tüccârdan Şahingerîzâde Cemal Bey'in tasdîkini veya diğer bir zâtın intihâbını arz ederiz. Hilâl-i Ahmer'in teʻâlîsi esbâbını derpîş ile müstesnâ bir eser-i himâye ve sahâbet göstererek idâre-i husûsiye-i vilâyet büdcesine cemʻiyet nâmına üç bin lira tahsîsât dercine delâlet buyurmuş olan muhterem vâlîmiz Kâzım Paşa hazretlerine ve Hilâl-i Ahmer'e karşı hayırhâhâne yardımlarıyla vezâif-i hayriyemizin teshiline hâdim olan erkân-ı matbûʻâta teşekkürât-ı mahsûsamızı takdîm eder ve nizâmnâme-i esâsî ahkâmına tevfîkan rûznâme-i müzâkerâta dâhil mevâddın intâcını ricâ ile te- mennî-i muvaffakiyet eyleriz. _______________