HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3326 İzmir Meclis-i Umûmî Riyâseti'nden Hilâl-i Ahmer Cemʻiyeti Merkez-i Umûmîsi Riyâseti'ne yazılan 24 Şubat [1]927 târîhli ve 113 numaralı tahrîrâtın sûretidir. Hilâl-i Ahmer Cemʻiyeti Nizâmnâme-i Esâsîsi ahkâmına tevfîkan İzmir merkezinin ictimâʻ-ı umûmîsi 20 Şubat [1]927 târîhine musâdif Pazar günü inʻikâd ederek mukarrerât-ı âtiye ittihâz kılın- mışdır: 1-Merkezin 1926 senesi faʻâliyetine âid bir sûreti leffen takdîm kılınan heyʼet-i merkeziye ra- poruyla bilançosu kırâat edilerek müttefikan kabûl edilmişdir. 2-Heyʼet-i merkeziyenin 1927 senesi için tanzîm etmiş olduğu büdce 50.000 lira vâridât ve o mikdârda masârıfâtı muhtevî olarak kabûl ve heyʼet-i umûmiyenin tasdîkine iktirân ederek leffen takdîm kılınmışdır. Ancak zîrde arz u îzâh olunacağı vechile heyʼet-i merkeziyenin sinîn-i sâbıkaya kıyâsen yapmış olduğu büdce elde edilebilmesi mümkün olan mebâliği muhtevî bulunmakda ise de bu sene büyük müncî, reîsicumhûrumuz Gâzî hazretlerinin emir ve işâretlerinden mülhem olarak cemʻiyet aʻzâsının teksîri için teşebbüsât-ı mahsûsa ile vâridât-ı muhammenenin bir misli tezâyüdüne çalışılması mukarrerdir. 3-Nizâmnâmenin 84'üncü mâddesinin 2'nci fıkrasına tevfîkan heyʼet-i merkeziye aʻzâsının sü- lüsünün tecdîdi için keşîde olunan kurʻa, aʻzâdan Reîs-i Sânî Hüsnü, Eczâcı Ferid, Doktor Bahtiyar, Cemal ve Âgâh Beylere isâbet etmiş ve reʼy-i hafî ile yapılan intihâbâtda Hüsnü, Ferid, Bahtiyar [273] ve Cemal Beyler ibkâen ve tüccârdan Alaiyelizâde Halim Bey müceddeden ihrâz-ı ekseriyet eylemişlerdir. 4-Hilâl-i Ahmer menâfiʻi hakkında cereyân eden müzâkerede tütün zürrâʻı, ruhsatiye istidʻâla- rının kurâyı geşt ü güzâr eden bir takım seyyâr yazıcılar tarafından yazılarak menâfiʻ-i külliye teʼmîn etdikleri îzâh ve bu istidʻâların tahrîri cemʻiyetin şuʻabâtı tarafından idâre edildiği takdîrde cemʻiyete mühimce bir vâridât teʼmîn edileceği beyân olunmuş ve fi'l-hakîka birkaç seneden beri Torbalı, Sey- diköy nâhiyelerinde tatbîk olunan bu usûlün fevâid ve muhassenâtı görüldüğü heyʼet-i merkeziye aʻzâsı tarafından da teʼyîd olunmasına mebnî cemʻiyet menâfiʻine hâdim olan bu usûlün vilâyetin her tarafında tatbîk ve icrâsına bir mahzûr-ı kânûnî ve idârî görülemediğinden makâm-ı vilâyetin inzimâm-ı muzâheretiyle îfâsı takarrür etdi. 5-Yüz binlerce nüfûsu olan İzmir Hilâl-i Ahmer Cemʻiyeti'ne mukayyed aʻzâsının henüz üç bine bile bâliğ olamadığı anlaşıldığından bu sene îfâsına teşebbüs olunan tertîbât ve teşkîlât-ı mahsû- sa ile vilâyet dâhilinde 25-30 bine iblâğına çalışılacakdır. 6-Menâbiʻ-i vâridâtın tezyidini teʼmînen köylere kadar hulûl ederek vesâit-i münâsibe ile ya- pılacak tergîbât ve teşvîkâtı halkın kadir-şinâslıkla karşılayacağı şübhesiz olduğundan vilâyet dâhi- lindeki bi'l-umûm kurâda mahsûl zamânında aʻzâ kaydedilmekle berâber teberruʻâtın ya aynen veya nakden istîfâsı sûretiyle fevâid-i azîme teʼmînine sarf-ı mesâʻî edilmesi ve heyʼet-i merkeziyenin şimdiden bu husûsda tertîbât ve teşkîlâtda bulunması tensîb edilmiş ve her karyeye ayrıca birer iʻâne kutusu tevzîʻi karârlaştırılmışdır. 7-Şefkat pullarının her dâire, müessese ve şirketlerde istiʻmâli için teblîgât-ı mukteziyede bu- lunulmasının makâm-ı vilâyetden iltimâs edilmesi temenniyâtı ızhâr edilmiş ve şâyân-ı kabûl görül- müşdür. 8-Meclis-i umûmîye İzmir merkezi nâmına iştirâk etmek üzere İzmir Mebʻûsu Kâmil, Münir ve Celâl Beyefendilerle Vâlî-i Vilâyet Kâzım Paşa ve İzmir Merkezi Reîs-i Sânîsi Hüsnü Beyefen-