HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3328 Sinob Hilâl-i Ahmer Merkezi Sinob havâlîsinde kışdan ve mahsûlün azlığından müteessir olan muhtâcîn için Sinob merkezi 50.000 kıyye un göndermeğe karâr vermişdir. _______________ Potemkin Yoldâş Hilâl-i Ahmer İstanbul Merkezi'ne 31.000 lira teberruʻ etmek sûretiyle büyük bir âlî-cenâblık göstermiş olan Sovyet Şûrâlar Cumhûriyeti Ankara Müsteşârlığı'na tahvîl-i meʼmûriyet eden İstanbul General Konsolosu Potemkin Yoldâş'ın İstanbul'dan yevm-i müfârakatında heyʼet-i merkeziye nâmı- na Haydarpaşa İstasyonu'nda merâsim-i teşyîʻiyeyi îfâya Tahrîrât Kâtibi Cevdet Bey meʼmûr edilmiş idi. Potemkim cenâbları İstanbul merkezinin hakkında ızhâr etdiği âsâr-ı samîmiyetden mütehassis olmuş ve heyʼet-i merkeziyeye hürmet-i mahsûsasının iblâğını Cevdet Bey'den ricâ etmişdir. Bu münâsebetle Madam Potemkin'e Hilâl-i Ahmer'in bir hâtırası olmak üzere Sanʻatevi maʻmûlâtından bir çay servisi takdîm edilmişdir. _______________ Aksaray Hilâl-i Ahmer Merkezi Faʻâliyeti Eskil karyesi ahâlî-i muhteremesi Eskil karyesi ahâlî-i muhteremesi Aksaray Vilâyeti Hilâl-i Ahmer Merkezi'ne aʻzâ kaydolun- mak sûretiyle dört yüz lira teberruʻâtda bulunmuşlardır. Mecmûʻa , bu muhterem karye ahâlîsiyle bu husûsda hizmet ve gayretleri sebk eden Belediye Reîsi Tahir Efendi'ye, heyʼet-i ihtiyâriyeye ve Vilâyet Belediye Veznedârı Yakub Efendi'ye şükrânla- rını takdîm eder. _______________ Fukarâyı Etfâle Çamaşır Tevzîʻi Trabzon Hilâl-i Ahmer Merkezi ilk mekteblerdeki fukarâ-yı etfâle iç çamaşır tevzîʻine başla- mışdır. Cumhûriyet Mektebi'ne 20, Boztepe 15, Numûne-i Edeb 20, Gazipaşa 25, Tatbîkât 20, İçkale Kız Mektebi'ne 11, Fatımiye Kız Mektebi'ne 9, 2 numaralı ana mektebine 18, 1 numaralı ana mek- tebine 7, İskenderpaşa Kız Mektebi'ne 13, Kaledibi Kız Mektebi'ne 8 kat çamaşır tevzîʻ, fukarâ-yı halka mahrûkât bedeli olarak birer lira tevdîʻ etmişdir.