HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3343 matlûbu icrâ edip etmediğini, müessir olup olmayacağını teemmül bile etmeden bugün de Hilâl-i Ah- mer Cemʻiyet-i Hayriye ve Sıhhiyesi'ne aʻzâ kayıd olunmaklığın vatanî ve zarûret olduğunu maʻlûmu iʻlâm kabîlinden olsa dahi muhterem halkımıza arz u îzâh etmek istiyoruz. Bu bahisde bize Ziya Paşa merhûm gibi: Bir yerde ki yok nağmeni takdîr edecek gûş Tazyîʻ-i nefes eyleme tebdîl-i makâm et! diyenler bulunabilir. Böyle diyecek zevâta cevâbımız, bizim henüz vatan-perver Kilis halkının hiss-i hamiyetlerinden katʻ-ı ümîd etmemiş olduğumuzu beyândan ibâretdir. Fi'l-hakîka halâskâr reîsicumhûrumuzun himâye-i fahîmâneleri altında yaralı vatanın bin türlü âlâm u eskâmını teskîn ve taʻdîl için vüsʻ-i beşerin tahammül edebileceği aʻzamî himmet ve saʻyi îfâ fedâkârlığını câna minnet bilen ve hattâ bu vazîfe-i insâniyeyi lede'l-hâce dost düşman bütün ecnebî- lere bile işmâl eylemek şiʻârından olan Türkiye Hilâl-i Ahmer Cemʻiyeti'ne aʻzâ kaydolunmağı her Kilisli'nin cândan gönülden arzu edeceğine bizim zerre kadar şübhemiz yokdur. Hâl-i harbde: 1-Gerek Türkiye ordu ve donanmasına mensûb olan gerek düşmandan esîr düşen yaralı ve has- talar ile zaʻîf ve maʻlûllerin tedâvîlerine ve ıztırâblarının tahfifine çalışmak, [286] 2-Hasta ve yaralıların nakli için lâzım olan vâsıtaları teʼmîne yardım 3-Hastabakıcılar ve hastabakıcı muʻâvinlerinin tedârüküne gayret, 4-Müessesât ve teşkîlât-ı sıhhiye-i askeriyeye îcâbında levâzım-ı sıhhiye ve gıdâiye iʻtâsına saʻy, 5-Îcâb edecek mahallerde Hilâl-i Ahmer hastahâneleri ve hastahâne gemileri vesâir müessesât-ı sıhhiye teʼsîs ve ihzâr veya müesses hastahâneleri idâre, 6-Ordularda sârî hastalıklara karşı açılacak mücâdeleye iştirâk 7-Harb sakatlarına aʻzâ-yı sınâʻiye iʻmâline muʻâvenet 8-Türk ve düşmân asker ve sivil üserânın âileleriyle muhâberelerini, nakid ve eşyâ münâkalele- rini teʼmîne tavassut ve delâlet eylemek ve bu maksadı teʼmîn için îcâb eden teşkîlâtı yapmak, 9-Dâhil-i harb ve iğtişâş netîcesinde hasta ve mecrûh düşenlere sıhhî ve gıdâî muʻâvenetlerde bulunmak, 10-Lüzûm görülecek harb cebhelerine murahhaslar göndermek, 11-Ecnebî Hilâl ve Salîb-i Ahmerleriyle diğer ecnebî cemʻiyât-ı hayriyesi tarafından gönderi- lecek heyʼetlere îcâbında muʻâvenetde bulunmak ve bunların meslekî ve askerî makâmlarla münâse- betlerini teshîl eylemek. Hâl-i sulhda: 1-Hastabakıcıları yetiştirmek, 2-Salgın hastalıklara ve verem ve sıtma ve çocuk vefeyâtı gibi âfât-ı ictimâʻiyeye karşı mücâ- delâta devâm, 3-Büyük yangın, zelzele, suların tuğyânı, kaht ve îcâbât-ı harbiye dolayısıyla muhâceret gibi