HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3345 Emrâz-ı sâriyenin mekteblerde menʻ-i tevessüʻünde, sıhhatin ıslâhında, kâbiliyet-i etfâli terbi- yede bu muʻâyenelerin pek büyük fâidesi görülmüşdür. Fi'l-hakîka icrâ edilen bu muʻâyene-i sıhhiyeler sâyesinde çocukların kuvve-i bâsıra ve sâ- miʻalarında mevcûd olan ârıza ve kusûrlar, bâdemciklerin iltihâbı, tenebbütât, ve'l-hâsıl muʻâyene zamânına kadar görülemeyen daha ciddî bazı teşevvüşât vakt ü zamânıyla keşfedilmekdedir ve te- şevvüşâtın aʻrâzı bu sûretle meydâna çıkdıkdan sonra da hastabakıcılar hemen bir doktora mürâcaʻat lüzûmunu ebeveyne ihtâr etmekdedirler. Hıfzıssıhha mesâilinde salâhiyetdâr makâmâtın beyânâtına nazaran bu yolda sarf olunan mesâʻînin sıhhat-i etfâle ve çocukların derslerindeki seviye-i muvaffakiyetin yükselmesine mühim bir teʼsîr yapmakdadır. Hakâyık-ı maʻlûmedendir ki, sıhhati yerinde olan bir çocuk derslerine daha iyi çalışır. _______________ Filipin Adaları Tayyâre ile muʻâvenet Geçen Teşrîn-i Sânî'de Filipin adalarında zuhûr eden tayfun iki yüz kişinin vefâtına ve birçok şehir ve kasabaların harâbiyetine sebeb olmuşdu. Denizin pek sert ve fenâ olmasına mebnî Batanga eyâleti adanın diğer aksâmından tecerrüd ve münâkalât ile muhâberât tamâmen tevakkuf etdiğinden muʻâvenet için iki askerî tayyâreye mürâcaʻat mecbûriyeti hâsıl olmuşdur. Hâlbuki Batanga'nın civârına inmek imkânını bulamayan tayyâreler kasaba âfâtında pek al- çakdan uçarak üzerinde "Yardıma Geldik" kelimeleri yazılı bir Salîb-i Ahmer bayrağı ile felâketin derece-i vüsʻati ve yapılacak muʻâvenetin cins ve nevʻi hakkında maʻlûmât talebini hâvî bir mektûbu yere atmışlar ve biraz sonra avdet ederek yeniden gösterdikleri büyük bir cesâretle çaprazvârî yere rekz olunmuş ve üzerine nâhiye müdürünün bir mektûbu rabt edilmiş olan iki kamış bastonu kancalı bir ip vâsıtasıyla yukarıya çekmişlerdir. [288] Beş yüz çuval un ile taʻmîrât ve inşâât masârıfı olarak para talebine âid bu mektûb Filipin Salîb-i Ahmer Merkez-i Umûmîsi'ne tevdîʻ edilmiş ve taleb olunan muʻâvenet hemen gönderilmişdir. _______________ Japon Salîb-i Ahmeri'nin Ellinci Devr-i Senevîsi Japon Salîb-i Ahmeri'nin ellinci devr-i senevîsi Teşrîn-i Sânî'nin üçüncü günü merâsim-i mah- sûsa ile tesʻîd edilmişdir. Japon imparatoriçesinin riyâset etdiği bu merâsime otuz bin kişi iştirâk etmişdir. _______________ Aksâ-yı Şark İkinci Salîb-i Ahmer Konferansı Aksâ-yı Şark Salîb-i Ahmer Cemʻiyetlerinin ikinci konferansı 15 Teşrîn-i Sânî'de Tokyo'da Ja- pon Salîb-i Ahmer Merkez-i Umûmîsi'nde küşâd edilmişdir. _______________